Дejвид Малпас, шефот на Светската банка, предупреди дека руската инвазија на Украина може да доведе до глобална рецесија со оглед на зголемените цени на храната, енергијата и ѓубривата.
Малпас наведува дека многу европски земји и натаму се премногу зависни од руската енергија, гас и нафта. Тој рече дека руското нарушување на снабдувањето со гас може да предизвика значително забавување на економската активност во регионот.
Додава и дека повисоките цени на енергијата веќе се одразуваат на германската економија, една од најголемите во светот.
Русија и Украина се меѓу најголемите производители на ѓубрива и храна. Малпас, кој вчера зборуваше во САД, рече дека земјите во развој веќе чувствуваат недостиг.
.webp){kind=icon}
