.webp){kind=icon}
Државата треба да размисли за воведување скратени образовни програми кои ќе подготвуваат стручни работници. Едногодишни или двегодишни програми може да биде едно од решенијата за надминување на проблемот со недостигот на работна сила, вели во разговор за Блумберг Адрија, Владанка Трајкоска, претседателка на Организацијата на работодавачи.
„Образовниот систем треба да биде усогласен со потребите на стопанството. Средните училишта и факултетите не треба да бидат места каде што ќе се исполнуваат желбите на децата и нивните родители, туку места каде што ќе се создаваа стручни кадри кои ќе одговараат на процесите во компаниите“, вели Трајкоска.
Според Државната статистика, во првиот квартал од оваа година во земјава имало над 9.000 слободни работни места, а во практика работници фалат во сите сегменти од индустријата.
