Најчест мотив за хакерските напади е доаѓањето до информација, вели Горан Митрески, генерален директор на „Кабтел“, во интервјуто за „Блумберг Адрија ТВ“.
„Добиените информации потоа најчесто се користат во негативен контекст“, посочува тој.
На прашањето дали Македонија како членка на НАТО има систем да се справи со ваквите напади и дали институциите можат да се осигураат, Митрески вели:
„Веќе има реализација на неколку проекти со цел како земја членка на НАТО да бидеме подготвени да се справиме со ваквите напади кои стануваат сè позачестени“.
Тој нагласува дека заштитата од сајбер напади е комплексна структура и за целосна заштита потребно е добро да се интегрираат сите сегменти на системот кој го опишува како една голема сложувалка.
Директорот на „Кабтел“ посочува и дека од зрелоста на една компанија зависи колку сериозно таа пристапува во однос на заштитата од сајбер напади.
„Има моќни компании кои не се свесни за ризиците што ги имаат. Дури некогаш поедноставно им е да купат биткоини не сфаќајќи дека со тоа на потенцијалниот напаѓач му даваат можност да го повтори делото во првата наредна прилика“, вели Митрески.
Целиот разговор со него погледнете го во видеото во рамките на оваа објава.
.webp){kind=icon}
