Сабина Факиќ од Центарот за граѓански комуникации во денешното гостување на „Блумберг Адрија ТВ“ говореше за трендот за зголемување на нетранспарентноста на јавните набавки кај повеќе државни институции.
Таа информира дека се зголемува бројот на јавни набавки преку постапка на преговарање без објавување оглас, којашто сама по себе е подложна на корупција бидејќи овозможува директно преговарање меѓу институциите и фирмите-понудувачи.
Факиќ додава дека мониторингот на јавните набавки што редовно го врши Центарот за граѓански комуникации покажува дека од година во година расте бројот на јавни набавки кои се спроведуваат преку постапка за преговарање без оглас и дека на овој начин во минатата година биле потрошени 46 милиони евра. Годинава, за 11 месеци биле склучени дговори преку нетранспарентни постапки во износ од 65 милиони евра.
.webp){kind=icon}
