До минатата година струјата не беше некаков влијателен фактор во генерирањето на цените, односно во работењето на угостителите, хотелите и рестораните, но денес енергентите многу влијаат во ценовната политика, вели во разговор за Блумберг Адрија ТВ претседателот на Независната угостителска комора, Здравко Јосифовски, кој додава дека покачувањето на цените води до тоа бројот на гостите да се преполови.
„Угостителите, како и сите големи индустрии, треба да имаат независни извори на електрична енергија. Во оваа ситуација тие се ориентираат кон самостојно поставување фотоволтаици, што можеби привремено ќе го реши проблемот, но не и долготрајно... Пред извесно време дадовме предлог за здружување на угостителите за заеднички инвестиции во производствени погони за електрична енергија, поставување големи фотоволтаици од кои ќе се снабдуваме, со барање од банките, односно државата, која очекувавме дека ќе помогне во долгорочно кредитирање. Сепак, до овој момент нема никаков одговор на тие предлози и барања“, посочи Јосифовски.
Целиот разговор со претседателот на Независната угостителска комора проследете го во видеото во рамките на објавата.
.webp){kind=icon}
