Големо задоволство е да ја поддржиме транзицијата кон зелена енергија во Македонија. Посебно сме горди на проектот кој се однесува на замена на фосилните горива со соларна обновлива енергија, изјави за Блумберг Адрија ТВ, Гржегож Зиелински, директор на тимот за енергетика на Европската банка за обнова и развој (ЕБОР).
„Ова е само почеток на приказната, а првиот проект кој го финансиравме не е на ниво што во целост би ги изразило нашите амбиции, но секогаш мора да има прв чекор за да се оди понатаму“, посочува Зиелински.
Нагласува и дека покрај соларни фотоволтаици, она што се стремат да го направат e да ги поддржат и компаниите задолжени за мрежата.
„Тоа е со цел да се осигураме дека капацитетот на мрежата е стабилен и ефикасен за нови обновливи извори, кога тие ќе бидат конструирани. Важно е да се нагласи дека покрај нови извори на енергија, кои ќе ја заменат енергијата добиена од фосилни горива, сето тоа треба да оди 'рака под рака' со развojoт на мрежната поврзаност. На тој начин се придонесува за развој на целиот сектор кон нова и одржлива насока“, изјави Зиелински.
Целиот разговорт со директорот на тимот за енергетика на ЕБОР, погледнете го на видеото прикачено во рамки на оваа објава.
.webp){kind=icon}
