АД МЕПСО ја оценува како тенденциозна, апсолутно неточна и паушална изјавата на претседателот на македонско– бугарската комора, Кирил Лазаров кој без било каква стручна аргументација, пречката за досега неиспорачаната количина електрична енергија од Бугарија, ја лоцира во трансформаторите кои според него не можат да ја издржат бараната количина електрична енергија.
„Постојат неколку причини поради кои првично договорените 200 мегават часови електрична енергија во овој момент не можат да бидат испорачани во Р.С. Македонија и тие во ниту еден случај не можат да се лоцираат на македонската страна. Преговорите во кои се вклучени претставници на двете влади и стручни тимови од енергетските компании за производство и за пренос на електрична енергија, со единствена цел испорака на поевтина електрична енергија како помош за македонското стопанството, беа водени на највиско професионално ниво и беа земени предвид сите технички можности и законски регулативи во двете земји“, велат од МЕПСО.
Оттаму додаваат дека една од пречките за оваа ситуација се строгите закони и правила за доделување на прекугранични капацитети за испорака на договорената електрична енергија кои доколку се прекршат, можат да предизвикаат нарушување на пазарот на електрична енергија.
Прочитај повеќе
Немаме трансформатори за бугарската струја, се чека решение
Има сериозни индиции дека договорот за постојан проток на 200 мегавати електрична енергија од Бугарија ќе се реализира
07.12.2022
Домаќинствата почнаа да штедат струја
Регистрирано намалување за 16,32 проценти на потрошувачката во скапа тарифа
04.12.2022
Државата не произведува само турбо струја туку и турбо аерозагадување
Единствено што може да се направи оваа зима за почист воздух е топланите да продолжат да работат на гас.
02.12.2022
„Дополнително отежувачка околност е обврската електрична енергија произведена во Бугарија да мора да се понуди на бугарската берза, и со оглед на тоа не може да биде определено кој снабдувач ќе ја добие таа електрична енергија. Тимовите на Македонија и Бугарија се целосно посветени на надминување на овие предизвици па оттука во вакви услови неоснованите тврдења на Лазаров се не само непродуктивни туку и штетни“, велат од МЕПСО.
Од државната компанија посочуваат дека електропреносната мрежа е во извонредна кондиција, дека сите планирани ремонти и ревитализации се навреме и квалитетно завршени, како и дека и дека преносната мрежа е подготвена да прими неколкукратно повеќе мегават часови електрична енергија од посочените 200 мегават часови.
.webp){kind=icon}
