Намалување на индустриското производство од 3,7 проценти во ноември, годинава во споредба со истиот месец, минатата година, регистрира Државниот завод за статистика. Минусот во индустриското производство трае веќе три месеци по ред.
Гледано по сектори, индустриското производство во секторот рударство и вадење на камен во ноември 2022 година, во однос на ноември 2021 година, бележи опаѓање од 4,7 проценти, во секторот преработувачка индустрија опаѓање од 5,6 проценти, а во секторот снабдување со електрична енергија, гас, пареа и климатизација пораст од 15,6 проценти.
„Намалувањето во секторот преработувачка индустрија е резултат, пред сѐ, на намаленото производство на прехранбени производи, на пијалаци, на тутунски производи, на хемикалии и хемиски производи, на производи од гума и производи од пластични маси, на метали, на електрична опрема и на моторни возила, приколки и полуприколки.“, соопшти ДЗС.
Според главните индустриски групи, производството во ноември 2022 година, во однос на ноември 2021 година, бележи опаѓање кај интермедијарните производи, освен енергија за 9,5 проценти и нетрајните производи за широка потрошувачка за 5,8 проценти, додека бележи пораст кај енергијата за 9,2 проценти, капиталните производи за 1,7 проценти и трајните производи за широка потрошувачка за 0,3 проценти.
ДЗС информира и дека бројот на работниците во индустријата во ноември 2022 година, во однос на ноември 2021 година се зголемил за 1,2 проценти.
„Бројот на работниците во секторот рударство и вадење на камен во ноември 2022 година, во однос на ноември 2021 година, бележи опаѓање од 4,1 проценти, во секторот преработувачка индустрија пораст од 1,7 проценти, а во секторот снабдување со електрична енергија, гас, пареа и климатизација опаѓање од 0,3 проценти“, соопшти ДЗС.
Бројот на работниците во индустријата во периодот јануари – ноември 2022 година, во однос на периодот јануари – ноември 2021 година е намален за 1,1 процент.
.webp){kind=icon}
Во моментов нема коментари за веста. Биди прв да коментира...