Просечната месечна исплатена нето-плата по вработен, во декември 2022 година, изнесувала 34.364 денари, што е зголемување за 14,8 проценти во однос на истиот месец во 2021 година, соопшти Државниот завод за статистика (ДЗС). Сепак, поради високата стапка на инфлација од 18,7 проценти во декември, минатата година реалната просечна плата бележи пад од 3,3 проценти во однос на истиот месец во претходната година.
Од ДЗС информираа дека на зголемувањето на просечната месечна исплатена нето-плата по вработен во декември, минатата година главно влијание имал растото на исплатените плати во секторите: преработувачка индустрија (20,4 проценти), уметност, забава и рекреација (20,2 проценти) и административни и помошни услужни дејности (19 проценти).
Оттаму додаваат дека зголемување на просечната месечна исплатена нето-плата по вработен, во однос на претходниот месец, е забележано во секторите: транспорт и складирање (10,4 проценти), дејности во врска со недвижен имот (10,2 проценти) и уметност, забава и рекреација (8,4 проценти).
.webp){kind=icon}
