Вкупно 2,4 отсто е растот што го прогнозира Светската банка за Македонија за годинава, додека во земјите од Западен Балкан се очекува раст од 2,6 отсто, што е намалување во однос на претходната година.
„Иако ги намаливме проекциите за раст за оваа и за следните години, имајќи предвид дека глобалната рецесија продолжува, а исто така и рецесиските трендови на ЕУ сè уште се присутни, и натаму проектираме зголемување на растот за С. Македонија за оваа година во однос на лани. И ова во голема мера се должи на очекуваното започнување на програмата за изградба на автопатишта. Ова ја разликува С. Македонија од другите земји во регионот на Западен Балкан, каде што всушност проектираме пад на растот во однос на минатата година“, вели во интервју за „Блумберг Адрија“ Сања Маџаревиќ Шустер, виша економистка во Светската банка.
Сепак, иако има пораст на растот, Светската банка смета дека тоа не би задоволило многу од креаторите на политиките во земјата, со оглед на големите очекувања на домаќинствата да забележат пораст на своите приходи.
Светската банка порачува дека фокусот треба да биде на зелената транзиција, енергетската стабилност, инвестициите во обновливи извори на енергија. Финансискиот сектор е ставен на тест и има многу предизвици.
Владата во Македонија презема мерки за намалување на инфлацијата, како и земјите од Западен Балкан и Европа. Но Владата треба да биде насочена кон мерки што ќе целат на најранливите категории граѓани, бидејќи тие трошат и поголем дел од своите приходи на енергија и на храна.
.webp){kind=icon}
