Македонија во изминатиот период се соочи со рекордно висока инфлација од историски размери. Иако во последниве месеци има постепено намалување на растот на цените, стапката на инфлација сè уште е двоцифрена. Слична е состојбата и во другите земји од регионот Адрија. Аналитички тим на „Блумберг Адрија“ за понеделник подготви регионална анализа за инфлациските движења во која ќе можете да прочитате какви се очекувањата за висината на инфлацијата до крајот на годината. Истовремено ќе можете да дознаете какви се очекувањата на нашите аналитичари за наредните чекори на Народната банка, односно до кога ќе има зголемување на основната каматна стапка во обид да се заузди растечката инфлација.
Следната недела анализираме и кој е кој во нафтениот бизнис во Македонија, и тоа во малопродажбата и во трговијата на големо. Ќе дознаете какви се увозните и извозните трендови кај нафтените деривати и какво гориво најмногу се троши во земјава.
Статистичките податоци покажуваат дека кај нарачките од Германија, најсилната економска сила во Европа има голем пад, што последен пат се случило во 2020 година. Анализираме дали е тоа опасно за Македонија, со оглед на тоа што Германија веќе традиционално е наш најголем трговски партнер и една од ретките земји со кои имаме суфицит во трговската размена.
Аналитичкиот тим на „Блумберг Адрија“ истражуваше и какви се трендовите во бизнисот со одгледување риби и што може да очекуваат компаниите од оваа дејност во однос на побарувачката во идниот период.
За крај на неделата ќе дознаете како им оди на приватните универзитети и факултети што нудат образовни програми од областа на економијата.
.webp){kind=icon}
Во моментов нема коментари за веста. Биди прв да коментира...