Министерот за економија Крешник Бектеши денеска обелодени дека во скопскиот регион се затворени маркети на „Веро“ и на „Вива фреш“ поради непочитување на владините мерки за намалување на цените на прехранбените производи.
„Нема зошто да се има страв да се наведат, но и вие, медиумите, треба да ги наведете маркетите, бидејќи најверојатно ви ургираат поради рекламите и не ги наведувате, туку само ги споменувате дека се затворени, а граѓаните треба да знаат кои маркети се затворени, а кои ги почитуваат мерките“, изјави Бектеши по посетата на компанијата „Алма-М“.
Во саботата, според директорот на Државниот пазарен инспекторат Горан Трајковски, се извршени над 50 контроли, при што се затворени пет големи синџири на маркети по основа на Законот за потрошувачи, односно по основа на нечесни трговски пратки, а седум маркети се казнети поради непочитување на владината одлука.
Прочитај повеќе
Следната недела намалување и на цените на пијалаците
Министерот за економија информира дека цените на безалкохолните и алкохолните пијалаци ќе се намалат за 10 отсто во наредниот период.
20.09.2023
Производи со гарантирани цени во македонските маркети до ноември
Стотици прехранбени производи, ќе имаат за најмалку 10 отсто пониски цени отколку што имале на 1 август годинава
19.09.2023
Бектеши: Ќе се ревидираат замрзнатите цени на овошјето и зеленчукот
Владата на седница во вторник ќе ги ревидира цените на 11. видови овошје и зеленчук за кои претходно донесе одлука да бидат замрзнати до крајот на месецов.
07.04.2023
„Петдневно затворање е доволно за овие компании“, рече денеска Трајковски, кој заедно со министерот Бектеши и со премиерот Димитар Ковачевски беше во посета на компанијата „Алма-М“.
Со новата мерка на Владата, како што соопшти премиерот Ковачевски, кај повеќе од 50 производи во 24 категории од пекарската, млечната и месната индустрија цената е намалена за 10 проценти во однос на цената од 1 август, а кај некои намалувањето е од 30 до 40 проценти. „Во маркетите овие производи веќе ја добија ознаката ’гарантирана цена’. Со оваа мерка придонесуваме и, покрај инфлациските притисоци, заеднички и солидарно им даваме поддршка на нашите граѓани“, рече Ковачевски.
Во однос на денешната изјава на извршниот директор на Стопанската комора, Антони Пешев, дека маркетите немале доволно време за да се „престројат“ во однос на намалувањето на цените, министерот Бектеши рече дека одлуката не е донесена прекуноќ и дека маркетите имале рок од речиси 10 дена да ги направат измените.
„Имав директни состаноци и со големите синџири на супермаркети и со доставувачите и со производителите една недела пред да се донесе мерката во Владата“, рече Бектеши.
Законот за нефер трговска практика, според најавите на министерот Бектеши, во текот на оваа недела ќе биде доставен до Владата.
.webp){kind=icon}
