.webp){kind=icon}
Премиерот Димитар Ковачевски денеска од Охрид порача дека ќе побара ревизија на договорот за изградба на автопатската делница од Кичево до Охрид.
„Сметам дека е недозволиво еден автопат од 40 километри да се гради над десет години и се уште да не биде направен, притоа да се бара повторно продолжување што треба да оди пред пратениците“, рече Ковачевски.
Тој најави дека ќе побара ревизија на овој проект.
Прочитај повеќе
Нови милиони за стари градежни договори, а преку Плетвар не може да се пројде
Проектите што ги испланира Владата за годинава се провлекуваат низ буџетите во изминатите десетина години.
23.02.2023
Во десет буџети „збришани“ 1,3 милијарда евра од капиталните инвестиции
За идната година се планирани рекордни 800 милиони евра за капитални проекти.
10.11.2022
„Со оглед на тоа што проектот од низа на причини не е завршен десет години, сметам дека треба да се размислува и во насока на раскинување на договорот и барање изведувач што ќе го изгради на квалитетен начин, а не да гледаме десет години да се прави пат, да се инвестираат пари, а да нема досега пуштен ниту еден метар од автопатот, рече Ковачевски.
Тој потсети дека проектот се гради согласно договор изгласан во Собранието, кој практично станува закон, а секоја промена односно анекс повторно се одобрува од пратениците.
„Недозволиво после десет години пратениците повторно да разгледуваат продолжување на нешто што требало да се заврши пред многу години, и оттаму е потребна ревизија врз основа на која ќе се предложат решенија кои ќе значат конечно завршување на овој автопат. Треба да се направи ревизија и врз основа на неа да се донесе одлука. Една од опциите е секако и раскинување на договорот“, истакна премиерот Ковачевски, притоа најавувајќи и можна специјализирана ревизија на проектот и сите пропусти.
Претходно сериозни забелешки и критики за динамиката по која се гради автопатот Кичево-Охрид изнесе првиот вицепремиер Артан Груби, истакнувајќи дека е неприфатливо таа делница да не е завршена после десет години од стартот на градежните работи.
„Изградбата започна во 2013 започна со 400 милиони евра, денеска е над 600 милиони евра и нема еден метар асфалт пуштен во употреба. Истекува рокот на крај на годината и сметам дека е крајно време и Владата и Собранието да го разгледа тој договор па ако треба и нека се прекине и нека се даде на друг затоа што ова е веќе скандалозозно и неприфатливо. Треба да се почне кривична постапка за погрешно проектирање“, рече Груби.
