Во глобални рамки, централните банки забрзано работат на истражување за воведување сопствени дигитални валути. Во следниот период, централните банки веројатно ќе му се посветат на развојот на целокупниот екосистем потребен за поддршка на националните дигитални валути. Народната банка им се приклучува на овие трендови преку веќе најавените првични активности за истражување на потребата и можностите за воведување дигитален денар, пишува вицегувернерката на Народната банка, Ана Митреска во колумна за најновиот месечен билтен на Македонската банкарска асоцијација (МБА).
„Анкетите и истражувањата покажуваат дека сѐ поголем број централни банки го истражуваат прашањето за дигиталните валути. Според последните информации, 105 земји коишто сочинуваат 95 проценти од глобалниот БДП ги испитуваат сите аспекти на воведувањето дигитални валути на централните банки. Овој број на земји во мај 2020 година изнесувал само 35. Бројот на земји коишто се во напредна фаза на истражување (развој, пилот-проект или воведување) се зголемува и изнесува 50, при што 10 земји веќе ја имаат воведено дигиталната валута. ЕЦБ веќе сигнализира дека цели кон издавање дигитално евро кон средината на оваа декада, како комплементарна форма на готовината, но не како нејзина целосна замена“, посочува вицегувернерката Митреска.
Како мотив за забрзување на активностите на полето на дигиталните валути, според последните анкети на БИС од 2021 година, голем дел од централните банки го наведуваат ширењето на криптосредствата. Имено, ризиците поврзани со овие средства се исклучително високи, зад нив не стои познат издавач што ќе ја гарантира нивната вредност, така што загубите од инвестициите во нив може да бидат огромни. Дури и криптосредствата коишто се врзани за некоја стабилна вредност не можат во секое време да ја гарантираат вредноста, ниту, пак, имаат пристап до централните банки или шемите за осигурување депозити.
Прочитај повеќе
Анкета на Народна банка: Инфлацијата ќе расте, БДП ќе паѓа
Нагорна ревизија на очекувањата за просечната стапка на инфлација и мала надолна ревизија во однос на очекуваниот раст на БДП
08.07.2022
Повлечени над 230 милиони евра депозити од банките
Енергетската криза и започнувањето на воениот конфликт во Украина имаа негативно влијание и врз однесувањето на нефинансиските друштва
06.07.2022
Банките за три месеци оствариле профит од 42 милиони евра
Анализирано по одделна банка, една средна и една мала банка забележаа загуба од работењето, додека останатите единаесет банки остварија позитивен финансиски резултат
06.07.2022
НБМ: Нема прегревање, ако треба ќе има мерки
Доколку следењето на трендовите и анализите покажат дека е потребно, ќе бидат преземени и други поцелни макропруденти мерки
05.07.2022
Народната банка ќе стимулира штедење во денари
Мерката е наменета за натамошно поттикнување на денаризацијата на билансите на банките
01.07.2022
Исто така, зголемувањето на ефикасноста на прекуграничните плаќања е уште еден многу важен мотив за проактивност во дигитализацијата на централните банки. Според нив, дигиталните валути може да играат голема улога во зголемувањето на брзината, транспарентноста и достапноста на прекуграничните плаќања.
„Има неколку клучни причини во генезата на официјалните дигитални валути. Прво, промоција на финансиската инклузија, преку обезбедување едноставен и сигурен пристап до пари на оној дел од популацијата којшто нема целосен пристап до банкарски услуги. Второ, овие валути ќе овозможат поголема конкуренција и отпорност на домашните системи на плаќања. Трето, дигиталните валути на централните банки, преку системи на интероперабилност, може да ги олеснат и да ги поддржат прекуграничните плаќања“, посочува Митреска.
.webp){kind=icon}