.webp){kind=icon}
Министерството за здравство подготвува нов закон за лековите чија главна цел е усогласување на националната регулатива со законодавството на ЕУ. Станува збор за усогласување со директивата бр. 2001/83/ЕЗ на Европскиот Парламент и Советот од 6 ноември 2001 за кодот на заедницата за медицински производи за човечка употреба.
„Суштинската цел на кои било правила за производство, дистрибуција и употреба на медицински производи мора да биде заштитата на јавното здравство. Како што е наведеното во цитираната директива, сепак, оваа цел мора да се постигне со средства кои што нема да го попречат развојот на фармацевтската индустрија или трговија со медицински производи во рамки на заедницата. Исто така, усогласувањето на националното законодавство во областа на клиничкото испитување се прави со крајна цел правата, безбедноста, достоинството и благосостојбата на субјектите да бидат заштитени. Интересите на субјектите секогаш треба да имаат предност пред сите други интереси“, се вели во најавата за подготовка на новиот закон објавена на Единствениот национален електронски регистар на прописи (ЕНЕР).
Временската рамка за подговтување на законот е до 20 јули, годинава.
