Народната банка информира дека во октомври 2024 година, просечната каматна стапка на вкупните кредити изнесува 5,38 проценти и е намалена за 0,03 п.п. и 0,11 п.п. на месечна и на годишна основа, соодветно. Од друга страна, просечната каматна стапка на вкупните депозити забележа месечен и годишен раст од 0,06 п.п. и 0,40 п.п, соодветно и изнесува 2,07 проценти.
„Просечната каматна стапка на новоодобрените кредити во октомври, изнесува 4,81 проценти и бележи месечно и годишно намалување од 0,17 п.п. и 0,74 п.п., соодветно. Просечната каматна стапка на новопримените депозити оствари месечно и годишно зголемување од 0,24 п.п. и 0,52 п.п., соодветно и изнесува 2,84 проценти“, соопшти Народната банка.
Корпоративен сектор
Прочитај повеќе
Нови кредити и грантови за домаќинствата за проекти за енергетска ефикасност
Покрај кредитите, граѓаните ќе може да добијат и поврат на 20 проценти од инвестициите за поголема енергетска ефикасност.
21.11.2024
Банките очекуваат олеснување на кредитните услови
Во третиот квартал на 2024 година, анкетата укажува на натамошно олеснување на вкупните услови за одобрување корпоративни кредити.
15.11.2024
Отплатата на кредитите сè уште е проблематична
Раст од 9 милиони евра на нефункционалните кредити кај домаќинствата
30.10.2024
Во октомври, просечната каматна стапка на вкупните кредити на корпоративниот сектор изнесува 5,09 проценти и е намалена за 0,06 п.п. на месечно ниво. Анализирано по валута промената се должи на намалувањето кај сите компоненти: каматните стапки на денарските кредити со валутна клаузула (за 0,15 п.п.), каматните стапки на кредитите во странска валута (за 0,10 п.п.) и каматните стапки на денарските кредити без валутна клаузула (за 0,03 п.п.).
„Споредено на годишно ниво, каматната стапка на вкупните кредити на корпоративниот сектор е намалена за 0,28 п.п. Овој месец, каматната стапка на новоодобрените кредити на корпоративниот сектор изнесува 4,65 проценти и оствари месечен пад од 0,13 п.п. Притоа, надолната промена е резултат на падот на каматните стапки на денарските кредити без и со валутна клаузула (за 0,27 п.п. и 0,12 п.п., соодветно), додека каматните стапки на кредитите во странска валута бележат раст (за 0,21 п.п.). Во споредба со октомври минатата година, оваа каматна стапка е намалена за 1,06 п.п.“, информираат од Народната банка.
Просечната каматна стапка на вкупните депозити на корпоративниот сектор, во октомври, е повисока за 0,08 п.п. и изнесува 2,42 проценти. Промената произлегува од растот на сите компоненти, и тоа: каматните стапки на денарските депозити со и без валутна клаузула (за 0,27 п.п. и 0,09 п.п., соодветно) и на каматните стапки на депозитите во странска валута (за 0,01 п.п.). Каматната стапка на вкупните депозити на корпоративниот сектор е зголемена за 0,46 п.п. на годишна основа.
Во октомври, каматната стапка на новопримените депозити на корпоративниот сектор изнесува 2,75 проценти и бележи месечен раст од 0,61 п.п. Месечниот раст се објаснува со зголемените каматни стапки на денарските депозити со и без валутна клаузула (за 0,60 п.п. и 0,53 п.п., соодветно) и каматните стапки на депозитите во странска валута (за 0,36 п.п.). На годишна основа, оваа каматна стапка забележа пораст од 1,24 п.п.
Население
Каматната стапка на вкупните кредити на домаќинствата во октомври е непроменетa на месечна основа и изнесува 5,66 проценти. Годишниот раст на оваа каматна стапка изнесува 0,06 п.п. Во октомври, просечната каматна стапка на новоодобрените кредити на домаќинствата изнесува 5,17 проценти и на месечно ниво е пониска за 0,10 п.п. Падот е резултат на намалените каматни стапки на денарските кредити без и со валутна клаузула (за 0,06 п.п. и 0,03 п.п, соодветно), во услови на раст на каматните стапки на кредитите во странска валута (за 0,32 п.п.). Просечната каматна стапка на новоодобрените кредити на домаќинствата е пониска за 0,11 п.п. во однос на октомври минатата година.
„Овој месец, каматната стапка на вкупните депозити на домаќинствата изнесува 2,02 проценти, што претставува месечен раст од 0,05 п.п. Нагорната промена се должи на растот на каматните стапки на денарските депозити без валутна клаузула и на каматните стапки на депозитите во странска валута (за 0,05 п.п. и 0,04 п.п., соодветно), при пад на каматните стапки на денарските депозити со валутна клаузула (за 0,09 п.п.). Споредено на годишно ниво, оваа каматна стапка е зголемена за 0,38 п.п.“, соопшти Народната банка.
Каматната стапка на новопримените депозити на домаќинствата во октомври, изнесува 2,89 проценти и бележи месечно зголемување од 0,10 п.п. Растот произлегува од повисоките каматни стапки на депозитите во странска валута (за 0,14 п.п.) и каматните стапки на денарските депозити без валутна клаузула (за 0,05 п.п.).
„Притоа, овој месец банките и штедилниците не евидентирале новопримени денарски депозити со валутна клаузула. Анализирано на годишна основа, каматната стапка на новопримените депозити на домаќинствата е повисока за 0,32 п.п.“, информираат од Народната банка.
.webp){kind=icon}