Во третиот квартал од 2024, бруто домашниот производ (БДП) се зголеми за три отсто на годишна основа, продолжувајќи го забрзувањето кое отпочна претходно, пишува во најновата публикација на „Фајненс тинк“ (Finance Think) објавена утрово, во која се напоменува дека ваквиот економски раст е во корелација со очекувањата изразени во претходниот Макроекономски монитор.
„Забрзувањето е водено од благото забрзување на приватната потрошувачка (1,9 отсто) и значајното интензивирање на јавната потрошувачка (13,3 проценти). Последното, пак, следи по значајното продлабочување на буџетскиот дефицит од 5,8 проценти за првото полугодие од годината, иако самиот трет квартал од 2024 заврши со скоро врамнотежен буџет (-0,5 отсто). Додека бруто инвестициите (0,6 отсто), извозот (нула отсто) и увозот (нула отсто) стагнираат во третиот квартал, по падовите кои ги искусија низ целата 2023 и првото полугодие од 2024 година“, се наведува во анализата на „Фајненс тинк“.
Извор: „Фајненс тинк“
Прочитај повеќе
Мицкоски: Задоволен сум од економскиот раст од три отсто во третиот квартал
Премиерот очекува во четвртиот квартал сличен или повисок раст со што би се доближиле до годишно ниво од три отсто раст на БДП
08.12.2024
Ангеловска-Бежоска: Проактивни економски политики за поголема отпорност
„Иако успешно поминавме низ голема економска бура, сѐ уште се соочуваме со променливи светски услови“, посочува гувернерката на Народната банка во авторски текст во српскиот неделник „НИН“.
07.12.2024
Македонскиот БДП во третиот квартал бележи раст од три отсто
Бруто-домашниот производ на земјава во третото тримесечје пораснал за три отсто споредено со истиот период лани, покажуваат податоците од ДЗС.
06.12.2024
Неочекуван пад на германското производство, нова грижа за македонските фабрики
Наместо очекуваниот раст од еден отсто, индустриското производство во Германија во октомври падна за еден отсто во однос на претходниот месец.
06.12.2024
Во образложението пишува дека ако се земе предвид производната страна, растот во овој квартал е скоро во целост воден од трговијата (10,6 проценти), како најголем сектор според номиналниот придонес кон додадената вредност, додека евидентен е падот на вториот по големина сектор, индустријата (-4,6 проценти).
Извор: „Фајненс тинк“
„Невработеноста во третиот квартал од 2024 понатамошно благо се намали на 12,3 отсто. Во овој квартал продолжува намалувањето на воздржаноста на пазарот на трудот, имајќи предвид дека се креирани близу 7.000 нови работни места, а активноста на населението се подобри (52,6 проценти). Сепак, забележливо е дека најголем дел од работните места се создадени во земјоделството и индустријата, додека растот на додадената вредност во трговијата не е проследен со нови работни места бидејќи таму бројот на работници е намален и во однос на претходниот квартал и во однос на истиот квартал од 2023“, пишуваат аналитичарите на „Фајненс тинк“.
Извор: „Фајненс тинк“
Во третиот квартал од 2024 инфлацијата забави на 2,6 проценти (по благото забрзување на 3,9 отсто) на годишна основа, занележуваат аналитичарите.
„Овие тенденции кај цените се во линија со очекувањата за целата 2024 година, за што во прилог оди благото олабавување на притисоците од страната на платите (благо забавен раст од 11,9 отсто и стагнација во однос на претходниот квартал). Но, потенцијални варијации кај цените на одредни групи производи и потезите на фискалната политика налагаат потреба од понатамошна претпазливост во однос на инфлацијата“, посочуваат од „Фајненс тинк“.
Извор: „Фајненс тинк“
Оттаму очекуваат позитивната динамика на економијата да продолжи до крајот на 2024 година и во првите квартали од 2025. При тоа, „Фајненс тинк“ останува на проекциите за раст на БДП во 2024 од 2.7 отсто и за раст на цените од 3,8 отсто, како што веќе се дадени во претходните Макро-монитори. Проекциите на аналитичкиот тим на „Фајненс тинк“ за 2025 година се раст на БДП од 3,5 проценти и раст на цените од 2,4 отсто.
.webp){kind=icon}
Во моментов нема коментари за веста. Биди прв да коментира...