.webp){kind=icon}
Македонија и по овие најавени даночни реформи, иако формата се уште не е утврдена затоа што почна само јавната дебата, ќе остане релативно стабилна и релативно поволна инвестициска дестинација по даночната политика, изјави утрово при гостувањето на Блумберг адриа, Јован Деспотовски, директор на Дирекцијата за Технолошко-индустриски развојни зони. Во најавените даночни реформи кои предвидено е да стартуваат од следната година, меѓудругото се планира воведување на данок на реинвестираната добивка со стапка од 10 отсто што досега не беше даночна основа. Тоа ги засега и компаниите кои функционираат во зоните во земјава.
„Загриженоста е јасна кај дел од бизнис заедницата од аспект на најавениот данок на реинвестирана добивка, но она што можам да го кажам како претставник на Владата е дека остануваме посветени на близок дијалог со компаниите. Сите елементи и позитивни и негативни ќе бидат внимателно извагани пред да се оди на одлука. Некои од клучните елелементи во даночниот систем особено данокот на добивка кој е најнизок во регионот остануваат како поволни околности, вели Депотовски.
Вели дека за носење одлука за инвестиции важна е стабилноста и предвидливоста и овде Македонија имала што да понуди. Голем дел од инвеститорите, како што вели, не одлучуваат само врза основа на даночните поволности туку откако ќе го разгледаат целиот пакет.
Деспотовски откри дека имале посета на американско тајванаска компанија која е заинтересирана да инвестира во зрегионот.
„Три држави се во трка, рабтиме на таа тема и конечната одлука ќе биде донесена до крајот на годината. Она што ме радува е што конкретно во овој случај Западан Балкан стана поконкурентен од Кина, затоа што и оваа земја беше во игра за инвестицијата но отпадна, вели Деспотовски.
Попширно во видеото
