Во декември 2024 година, просечната каматна стапка на вкупните кредити изнесува 5,30 проценти и оствари месечен и годишен пад од 0,06 п.п. и 0,17 п.п., соодветно, соопшти народната банка. Просечната каматна стапка на вкупните депозити бележи месечен и годишен раст од 0,05 п.п. и 0,38 п.п., соодветно и изнесува 2,17 проценти.
Просечната каматна стапка на новоодобрените кредити овој месец е пониска за 0,40 п.п. и 0,79 п.п., соодветно, на месечна и на годишна основа и изнесува 4,42 проценти. Просечната каматна стапка на новопримените депозити изнесува 2,78 проценти и бележи месечно намалување од 0,02 п.п., додека на годишно ниво е зголемена за 0,41 п.п. Во декември просечната каматна стапка на вкупните кредити на корпоративниот сектор на месечно ниво е пониска за 0,09 п.п. и изнесува 4,96 проценти.
„Притоа, намалувањето се должи на падот на сите компоненти: каматните стапки на денарските кредити без и со валутна клаузула (за 0,09 п.п., соодветно) и каматните стапки на кредитите во странска валута (за 0,08 п.п.). Во споредба со декември претходната година, оваа каматна стапка е пониска за 0,37 п.п.“, информираат од Народната банка.
Прочитај повеќе
Раст на кредитирањето: За што најмногу се задолжуваме?
Според намената на кредитите одобрени на физичките лица, во ноември, најзастапените категории − потрошувачките и станбените кредити бележат месечно зголемување од 0,7 и 1,2 проценти.
21.12.2024
Прогноза 2025: Фед ќе продолжи да ги намалува каматите
Проценуваме дека референтната каматна стапка до крајот на годината би можела да падне на ниво од 3,75 отсто.
25.12.2024
Народна банка ја намали каматата на благајничките записи на 5,55 проценти
Се намалуваат и каматните стапки на расположливите депозити за по 0,25 п.п.
18.12.2024
Каматната стапка на новоодобрените кредити на корпоративниот сектор во декември изнесува 4,39 проценти и на месечна основа е намалена за 0,29 п.п.
„Надолната промена е резултат на намалувањето на каматните стапки на денарските кредити без валутна клаузула (за 0,42 п.п.), додека каматните стапки на денарските кредити со валутна клаузула и кредитите во странска валута се зголемени (за 0,34 п.п. и 0,23 п.п., соодветно). Анализирано на годишно ниво, каматната стапка на новоодобрените кредити на корпоративниот сектор оствари пад од 0,91 п.п.“, велат од НБРМ.
Просечната каматна стапка на вкупните депозити на корпоративниот сектор, овој месец, е повисока за 0,01 п.п. и изнесува 2,69 проценти. Анализирано според валутната структура, месечната промена е резултат на растот на каматните стапки на денарските депозити без и со валутна клаузула (за 0,05 п.п. и 0,03 п.п., соодветно), во услови на пад на каматните стапки на депозитите во странска валута (за 0,07 п.п.). Споредено на годишно ниво, оваа каматна стапка е повисока за 0,63 п.п.
Во декември, каматната стапка на новопримените депозити на корпоративниот сектор изнесува 2,59 проценти и на месечно ниво е зголемена за 0,16 п.п.
„Растот е резултат на зголемувањето на каматните стапки на депозитите во странска валута и на каматните стапки на денарските депозити без валутна клаузула (за 0,17 п.п. и 0,14 п.п., соодветно), додека каматните стапки на денарските депозити со валутна клаузула се непроменети. Анализирано на годишна основа, каматната стапка на новопримените депозити на корпоративниот сектор е зголемена за 0,40 п.п.“, посочуваат од централната банка.
Овој месец, каматната стапка на вкупните кредити на домаќинствата бележи месечен пад од 0,03 п.п. и изнесува 5,63 проценти. Месечниот пад се должи на намалените каматни стапки на денарските кредити без и со валутна клаузула (за 0,04 п.п. и 0,01 п.п., соодветно), во услови на непроменети каматни стапки на кредитите во странска валута. Каматната стапка на вкупните кредити на домаќинствата, во споредба со истиот месец претходната година, бележи зголемување од 0,04 п.п.
Во декември, просечната каматна стапка на новоодобрените кредити на домаќинствата изнесува 4,47 проценти и на месечно ниво е пониска за 0,56 п.п. Притоа, намалувањето е резултат на падот на сите компоненти: каматните стапки на денарските кредити без валутна клаузула (за 0,74 п.п.), каматните стапки на кредитите во странска валута (за 0,33 п.п.) и каматните стапки на денарските кредити со валутна клаузула (за 0,13 п.п.). На годишно ниво, каматната стапка на новоодобрените кредити на домаќинствата е намалена за 0,55 п.п.
Каматната стапка на вкупните депозити на домаќинствата, овој месец, изнесува 2,10 проценти и на месечно ниво е зголемена за 0,05 п.п.
„Растот на месечна основа се должи на зголемувањето на сите компоненти: каматните стапки на денарските депозити без валутна клаузула (за 0,07 п.п.), каматните стапки на депозитите во странска валута (за 0,04 п.п.) и каматните стапки на депозитите со валутна клаузула (за 0,03 п.п.). На годишно ниво, оваа каматна стапка е зголемена за 0,34 п.п.“, информира Народната банка.
Во декември, каматната стапка на новопримените депозити на домаќинствата е намалена за 0,05 п.п. на месечно ниво и изнесува 2,83 проценти. Падот на месечна основа се должи на намалените каматни стапки на депозитите во странска валута (за 0,16 п.п.) и на каматните стапки на денарските депозити без валутна клаузула (за 0,02 п.п.). Притоа, овој месец банките и штедилниците не евидентирале новопримени денарски депозити со валутна клаузула. Каматната стапка на новопримените депозити на домаќинствата се зголеми за 0,41 п.п. на годишна основа.
.webp){kind=icon}