.webp){kind=icon}
РЕК Битола утрово тестираше постројка на мазут. Компанијата соопшти дека тестирањето се случило во период од 06.30 и 07.00 часот наутро за да се види дали постројката наречена
,,стартна котлара” е функционална. Намената на оваа котлара е да дава поддршка на блоковите при потреба за зголемено количество водена пареа за турбините.
Денешниот тест покажала дека котларата е функционална и може да се „вклучи во системот во секој момент, за краткотрајно зголемување на снагата на блоковите во одредени куси периоди во текот на производниот процес“, соопшти ЕСМ.
„Постројката работи на мазут, и во првите моменти од пуштачките операции има зголемено испуштање на чад и издувни гасови. По извршеното кусо тестирање, стартната котлара е повторно исклучена“, наведе компанијата во соопштението.
Ова соопштение всушност, е реакција на Фејсбук статусот на лидерот на опозицијата Христијан Мицкоски. Тој утрово објави фотографии и видео на кое се гледа како црн чад над РЕК Битола и обвини за екоцид. Мицкоски во статустот му с еобраќа на министерот за правда, Никола Тупнчевски кој неодамна најави дека со измените на кривичниот закони ќе се воведе кривичното дело Екоцид за што минималната казна ќе биде 4 години, без предвиден законски максимум.
„РЕК Битола денес/деновиве. Кој ќе одговара кривично за овој ЕКОцид? Ајде колега Тупанчевски да го видиме на дело вашиот предлог како ќе функционира“, напиша Мицкоски на социјалните мрежи.
блумберг адриа
По ваквиот статус на лидерот на ВМРО ДПМНЕ, фотографии објави и ЕСМ на која се гледа дека РЕК – от работи со два блока и над него нема црн чад.
блумберг адриа
„АД ЕСМ вложува максимално напори за работење по сите стандарди, во услови кога производството на електрична енергија од јаглен и мазут во услови на енергетска криза е неизбежно. Граѓаните да бидат спокојни во однос на посветеноста на компанијата да ги одржува електраните и да вложува во обновливи извори“, наведе компанијата
