text size
Американски и европски официјални лица работат на обезбедување силни безбедносни гаранции за Украина, со цел да се отвори пат за историската средба меѓу претседателите Владимир Путин и Володимир Зеленски, а американскиот претседател Трамп ги повика рускиот и украинскиот претседател да покажат „флексибилност“, додека тој ги забрзува напорите за завршување на војната во Украина. Трамп ги охрабри двајцата лидери да одржат билатерална средба.
„Се надевам дека претседателот Путин ќе се однесува добро, а ако не, ситуацијата ќе биде тешка,“ изјави Трамп во вторник во интервју за „Фокс Њуз“. „Се надевам дека Зеленски, претседателот Зеленски, ќе направи што треба. Тој исто така мора да покаже малку флексибилност.“
Добро утро, ова се петте вести што се важни за почеток на денот.
Незаконски имот вреден милијарди, а македонскиот буџет добива ситнеж
Пари, недвижен имот, возила, злато, сребро, компјутери и електронска опрема, машини за различни намени... Ова не е листа на желби, туку список на имотот со кој располага Агенцијата за управување со одземен имот (АУОИ). Станува збор за имот што агенцијата го стекнува врз основа на правосилни одлуки на судовите и другите државни органи со кои е наложена конфискација на имот од физички и правни лица.
Извештаите покажуваат дека постапувајќи во делот на конфискација на противправно стекната имотна корист како принос од казнено дело, АУОИ лани наплатила парични средства во вкупен износ од 83.970.310 денари, или скоро 1,37 милиони евра, кои согласно законот се уплатени во државниот буџет.
Зелените кредити во Македонија прв пат надминаа половина милијарда евра
Состојбата на издадени зелени кредити од македонските банки на крајот на јуни годинава изнесувала 31,1 милијарди денари (507 милиони евра) што е зголемување за над две милијарди денари (33 милиони евра) во однос на 2024 година кога вредноста на зелените кредити изнесувала 29,1 милијарди денари (474 милиони евра).
Иако во првата половина од годинава е остварен рекорд кај апсолутниот износ на зеленото кредитирање, учеството на зелени кредити во вкупните издадени кредити од македонските банки е на исто ниво како и на крајот на минатата година и изнесува шест проценти.
Продаден блок-акции од ВВ „Тиквеш“ за 771.000 евра
Во блок-трансакција вредна 47,4 милиони денари (771.000 евра) денеска на Македонската берза се продадоа 6.500 акции од винарската визба „Тиквеш“, коишто претставуваат 2,40 проценти од основната главина на друштвото. Акциите се продадоа по цена од 7.300 денари за акција.
Забележително е дека продажбата доаѓа само еден ден пред да се одржи берзанска аукција за голем пакет акции од „Тиквеш“. „Блумберг Адрија“ веќе објави дека на барање на членката „Еурохаус“ АД Скопје, по пат на јавна берзанска аукција на акции при продажба на големи пакети на акции утре (20.08.2025) ќе се понудат на продажба 10.646 обични акции издадени од винарската визба „Тиквеш“ АД Кавадарци.
Бројот на странски студенти во САД опаѓа четврти месец по ред, најпогодена е Азија
Бројот на посетители што пристигнуваат во САД со студентски визи се намали во јули, што претставува четврти последователен месец како на годишно ниво опаѓа бројката на нови странски студенти.
Најизразено беше намалувањето од Азија, најголемиот меѓународен пазар за образование, бидејќи имиграциските политики на администрацијата на Доналд Трамп создадоа тесни грла и ефект на заплашување врз потенцијалните студенти.
Може ли модата да ја промени судбината на македонската сивка?
„За мене, модата не е само ‘убави фустанчиња’ туку начин да се испрати порака, да се предизвика размислување и да се поттикне промена“, вели етаблираната македонска дизајнерка Ирина Тошева, која со нова несекојдневна креација продолжува да ги поместува границите на модниот израз.
По блејзерите со кои во 2023-та го освои Катар, чии дезени беа инспирирани од урбаниот пејзаж на Скопје, а копчињата изработени од камења и стакленца од Охридско Езеро, овој пат таа создаде јакна од рачно ткаен килим, за која се инспирираше од македонската сивка, еден од најзагрозените видови на пеперутки во Европа.
.webp){kind=icon}
