Вработените од Водостопанство на протест, Министерството им даде пари за плата

Министерството за земјоделство одобри дополнителни 200 милиони денари за АД „Водостопанство“.

Паралелно, Министертсвто работи и на нов модел за преструктуирање на претпријатието, кој треба да ја подобри и зголеми ефикасноста на вработените.

„Во интерес на јавноста сакаме да напоменеме и за околноста дека АД Водостопанство е посебен орган кој работи самостојно со сопствен буџет и Министерството за земјоделство нема никаква законска можност за распределба или управување со нивните средства, особено за платите кон вработените. Но, како никогаш до сега МЗШВ вложува во изградба на нови системи за наводнување. Преку сите почнати нови капитални инвестиции во овој период обезбедуваме наводнување за нови 20.000 хектари земјоделски површини. Се гради браната Конско, а работиме на проектот за наводнување на јужната долина на реката Вардар. Со поддршка на ЕУ се градат седум мали нискотрошковни системи за наводнување во Конопница, Теарце и Пишица, системите Чаушица и Славишко Поле се веќе завршени, а следуваат системите Сопот и Новаци“ се наведува  во соопштението од Министертсвто.

Вработените пак на Водостопанство попладневно протестираат пред министертсвто затоа што три месеци немаат земено плата, а немаат ниту здравствено осигурување.

Bloomberg Adria

„Како акционерско друштво во државна сопственост, работниците се комплетно разочарани од игнорантскиот однос на државните органи кои дозволија цели три месеци да ги остават без леб и лекар работниците кои цела држава ја снабдуваат со вода. Државниот врв со месеци ги убедува дека утре ќе има пари, само уште нешто да се изгласа, само уште нешто да се пресмета. А тоа утре никако да дојде“, соопшти организаторот на штрајкот, Агросиндикатот.

 

Во моментов нема коментари за веста. Биди прв да коментира...

Остави коментар