Во август годинава Македонија угостила околу 6.400 туристи помалку од лани, а бројот на ноќевања е намален дури за 65.000, објави денеска Државниот завод за статистика (ДЗС). Во конкретни бројки, во август годинава се изброени 226.179 туристи, додека лани во тој месец имало 232.576 туристи, што е пад од 2,8 проценти. Кај ноќевањата, пак, во месецот што се смета за врв на туристичката сезона, бројката годинава изнесува 846.221, додека минатата година во август биле остварени 911.478 ноќевања. Тоа на годишно ниво претставува намалување од 7,2 проценти.
Прочитај повеќе
Нова опсесија на македонските туристи: Зошто масовно патуваат во Исланд?
Аранжманите што им се нудат на клиентите најчесто вклучуваат организирани групни тури со водичи.
05.09.2025
Скриени туристички бисери покрај автопатот од Загреб кон југ
Вргорац, дестинација на вино и песни, открива скриени бисери – полиња, водопади и езера што ги мамат истражувачите и љубителите на авантури.
24.08.2025
Од небо до врв: Македонија станува рај за алтернативен туризам
Летање со параглајдер или јавање коњ по планински патеки е една од можностите за активен алтернативен туризам, а Македонија има одлични услови за тоа.
26.06.2025
Што остана по Европскиот младински олимписки фестивал во Скопје?
Што доби, а што изгуби Македонија со организацијата на ЕМОФ?
31.07.2025
„Во август 2025 година 48 проценти се домашни туристи, а 52 проценти се странски туристи. Бројот на ноќевањата во август 2025 година изнесува 846.221, од кои 73,4 отсто се од домашни туристи, а 26,6 отсто од странски туристи“, пишува во соопштението од ДЗС.
Притоа, традиционално, далеку најмногубројни се туристите од Турција, од каде што во август дошле 49.093, или повеќе од половината, а по нив следуваат Србите (10.309), Романците (5.202) и Холанѓаните (5.075).
Сепак, ако се гледа кумулативната статистика, плусот од претходните месеци го надоместува августовскиот минус, па, така, во периодот од јануари до август годинава Македонија ја посетиле речиси 957 илјади туристи, или над 61.000 повеќе во однос на истиот период лани, што претставува зголемување од 6,8 проценти. Кај ноќевањата растот е само еден отсто, при што во периодот јануари-август годинава се реализирани 2.597.200 ноќевања, додека во истиот период 2024 година имало 2.571.773 ноќевања.
„Во периодот јануари–август 2025 година, во однос на истиот период од претходната година, вкупниот број на туристите е зголемен за 6,8 проценти, односно кај домашните туристи има намалување за 1,4 отсто, а кај странските има зголемување за 11,6 отсто. Во периодот јануари–август 2025 година, во однос на истиот период од претходната година, вкупниот број на ноќевањата е зголемен за еден отсто, така што кај домашните туристи има намалување за четири проценти, а кај странските има зголемување за 8,1 отсто“, образложува Државниот завод за статистика.
.webp){kind=icon}
