Како се движеше македонската економија од стекнувањето на независноста во 1991 година до денес? Блумберг Адриа, денеска, на Денот на незавиноста го анализира движењето на основните параметри од 1993 година ( за кога НБРМ прв пат објавува податоци) до вториот квартал од оваа година. Ги анализираме бруто домашниот производ, инфлацијата и невработеноста.
БДП
Македонската самостојна економија имала лош старт. Во 1993 година БДП паднал за седум отсто споредено со претходната година. Ништо подобра не била и пандемиската 2020, која е втора најлоша година за домашната економија. Короната го турна БДП за 6,1 отсто. Воената 2001 година донесе минус од три отсто во економијата. Највисок раст земјава остварила во 2007 година од шест отсто. Или вкупно за 30 години македонскиот БДП бележи просечен раст од многу скромни 1,7 отсто.
ИНФЛАЦИЈА
Почетокот на деведесеттите беа најбурни кога станува збор за инфлацијата, таа се мереше со трицифрени бројки. Се стабилизира во 1996 година и досега немаше осцилации. Во оваа 2022 година, инфлацијата прв пат по тие бурни години е двоцифрена и заклучно со август изнесува 16,8 отсто.
НЕВРАБОТЕНОСТ
Кога се работи за невработеноста, стартот не бил најлош во самостојната македонска економска историја. Најлош бил периодот на приватизацијата и годините по неа. Стапки уриваат рекорди надминувајќи 35 отсто. Трендот на намалување почнува во 2007 година, и годинава, заклучно со јули, земјава има најниска стапка на невработеност од 14,4 отсто.
.webp){kind=icon}
