Ковачевски: Гроздоберот е во полн ек, посакувам успешна и бериќетна лозарска година

Премиерот Димитар Ковачевски присуствуваше на традиционалниот гроздобер во винаријата „Тиквеш“.

Премиерот Ковачевски, како што информира владината прес-служба, ја искористи денешната пригода, да ги истакне заложбите на Владата да продолжи интензивно со конструктивната соработка, како и досега, со цел стимулирање на производството на висококвалитетно грозје кое е неопходно за производство на врвни вина со премиум квалитет кои се бараат на домашниот и на странските пазари.

Тој го потенцира огромното значење на малите и големите винарии, чии активности придонесуваат за унапредување на квалитетот на македонското вино и претставувањето на нашата земја како винска земја и рамноправен дел од винската карта, на регионот и пошироко.

Влада/Премиерот Ковачевски на традиционалниот гроздобер

„Од 2017 година досега, се решени проблеми и покажана е сериозна грижа за лозарите. Преку разни основи на поддршка достигната е бројката, инвестирани се околу 76,5 милиони евра, од кои 74 милиони средства директно исплатени кон лозарите. Зголемени се основни субвенции за одржување на лозови насади. Покажана е грижа и за малите производители, сменет е Законот за вино и денеска постојат вкупно 139 субјекти, а 71 се регистрирани само оваа година“, посочи Ковачевски.

Тој потенцира дека е обезбедена финансиска поддршка и за винариите преку новата мерка за поддршка на произведено и извезено вино за период од 01.09.2021 до 01.09.2022 година, за регистрирани производители на вино кои во овие две години имаат произведено и извезено вино.

Премиерот Ковачевски на денешниот настан, посака среќа и бериќет, со желби за берба на квалитетно грозје и производство на квалитетно вино.
 

Во моментов нема коментари за веста. Биди прв да коментира...

Остави коментар