.webp){kind=icon}
Вработените во АД Водостопанство повторно не зедоа плата. Тие се без личен догод и без придонеси за здравствено осигурување веќе четврт месец по ред.
На почетокот на овој месец тие и со протест си ги побараа платите. Тогаш државата им должеше три исплати, но и заклучно со денешниот ден кога истекува законскиот рок за испплата на плата за претходниот месец тие се уште се без пари и без можност за здравствена заштита.
„Како акционерско друштво во државна сопственост, работниците се комплетно разочарани од игнорантскиот однос на државните органи кои дозволија да ги остават без леб и лекар работниците кои цела држава ја снабдуваат со вода. Државниот врв со месеци ги убедува дека утре ќе има пари, само уште нешто да се изгласа, само уште нешто да се пресмета. А тоа утре никако да дојде“, соопшти тогаш организаторот на штрајкот, Агросиндикатот.
Истиот ден кога пред Министерствто за земјоделство се одржуваше протетсот, Министерството соопшти дека се одобрени дополнителни 200 милиони денари за АД „Водостопанство“. Сепак, иако поминаа две недели од тогаш, пари на сметките на работниците нема.
Bloomberg Adria
Паралелно, Министертсвто тогаш најави дека работи и на нов модел за преструктуирање на претпријатието, кој треба да ја подобри и зголеми ефикасноста на вработените.
„Во интерес на јавноста сакаме да напоменеме и за околноста дека АД Водостопанство е посебен орган кој работи самостојно со сопствен буџет и Министерството за земјоделство нема никаква законска можност за распределба или управување со нивните средства, особено за платите кон вработените. Но, како никогаш до сега МЗШВ вложува во изградба на нови системи за наводнување. Преку сите почнати нови капитални инвестиции во овој период обезбедуваме наводнување за нови 20.000 хектари земјоделски површини. Се гради браната Конско, а работиме на проектот за наводнување на јужната долина на реката Вардар. Со поддршка на ЕУ се градат седум мали нискотрошковни системи за наводнување во Конопница, Теарце и Пишица, системите Чаушица и Славишко Поле се веќе завршени, а следуваат системите Сопот и Новаци“ се наведува во соопштението од Министертсвто.
Не се само платите за вработените проблем за АД Водостопанство. Имено, минатиот месец на неколку подружници на акцинерското друштво им беше исклучена струјата заради неплатени сметки, а закана за исклучување имало и за главната дирекција на АД Водостопанство. Тогаш Блумберг Адриа пишуваше дека во последен момент пред исклучувањето, се обезбедиле пари за да се плати долгот. Долговите за струја се само една голема ставка од сите долгови на ова државно претпријатие.
Последните податоци за долговите кои се ставени на интернет страницата се заклучно со јуни лани кога обврските на ова државно претпијатие изнесуваат 303 милиони денари од кои 51 милион денари се недоспеани обврски, а остатокот од 252 милиони денари се доспеани. Тогаш најголем бил долгот кон ЕВН, за други обврски но и за ДДВ и за плати.
Во претпријатието работат 600 лица, а директор е Локман Љимани
