Федералните резерви во САД ја зголемија референтната каматна стапка за дополнителни 75 базични поени, продолжувајќи ја својата борба против инфлацијата и поттикнувајќи ги стравувањата од рецесија.
Ова е трето последователно зголемување од страна на централната банка на САД, а се предвидува дека покачувањето ќе достигне 4,6 отсто во 2023 година. Во изјава во средата, по дводневниот состанок, Федералниот комитет за отворен пазар повтори дека е „многу претпазлив во однос на ризиците од инфлација“.
Централната банка, исто така, повтори дека „предвидува оти тековните покачувања во таргетираниот опсег ќе бидат соодветни“ и дека е „силно посветена на враќање на инфлацијата до целта од два проценти“. Инфлацијата во САД во август изнесуваше 8,3 отсто.
Прочитај повеќе
'Dr. Doom' Рубини очекува долга и грда рецесија
Вредноста на акциите би можела да падне за дури 40 отсто, смета економистот, кој правилно ја предвиде последната финансиска криза.
21.09.2022
Одлуката, која беше усвоена едногласно, го поставува таргетираниот опсег за референтната стапка на федералните фондови на 3 до 3,25 проценти, што е највисоко ниво од пред финансиската криза во 2008 година и пораст од речиси нула на почетокот на годинава.
Официјалните лица очекуваат референтната стапка да се зголеми на 4,4 отсто до крајот на годината и 4,6 отсто во текот на 2023 година, според просечната проценка во ажурираните квартални проекции објавени со соопштението.
Тоа сугерира дека четврто по ред зголемување од 75 базични поени би можело да биде на маса на следниот состанок во ноември. Понатаму, референтната стапка се предвидува да се намали на 3,9 проценти во 2024 година и 2,9 проценти во 2025 година.
Проекциите, кои покажаа поостри каматни стапки од она што функционерите го посочија во јуни, ја нагласуваат решеноста на ФЕД да ја скроти инфлацијата и покрај ризикот дека зголемените трошоци за задолжување може да ги турнат САД во рецесија.
Претседателот Џером Пауел и неговите колеги, обвинети за бавниот првичен одговор на ескалацијата на ценовните притисоци, се свртеа агресивно за да фатат чекор и сега го спроведуваат најжестокото заострување на политиката досега.
.webp){kind=icon}
