Бројот на невработени во САД минатата недела благо опадна, движејќи се околу историски ниските нивоа бидејќи пазарот на труд е во силно темпо и покрај слабеењето на економијата. Барањата за помош на нови невработени минатата недела се намалија за 1.000, на 217.000, покажуваат податоците на Министерството за труд, објавени денеска.
Bloomberg Mercury
Просечните очекувања во анкетата што Блумберг ја спроведе меѓу економистите беа дека ќе има 220.000 невработени. Сè уште ниското ниво на барања за помош на невработени го засилува тоа што претседателот на Федералните резерви (ФЕД), Џером Пауел, го опиша како „вжештен“ пазар на работни места, на кој побарувачката за работници далеку ја надминува понудата.
Централната банка се обидува да ги ублажи работните услови со цел да ја намали инфлацијата, но Пауел вчера рече дека тоа сè уште не е видливо. Продолжените побарувања за невработеност се зголемија на 1,49 милиони. Доколку се одржи нивото, тоа би можело да биде знак дека сè поголем број Американци се подолго време без работа.
Утре се очекува објава и на извештајот за вработување на владата, а се прогнозира да покаже дека во САД во октомври се отворени нови 200.000 работни места, а стапката на невработеност благо се зголемила на 3,6 отсто.
Денешниот извештај покажа дека продуктивноста на американските работници едвај се зголемила во третиот квартал по големиот пад во првата половина од годината, додека трошоците за работна сила забележаа помал напредок.
.webp){kind=icon}
