.webp){kind=icon}
Стапките на хипотекарните кредити во САД благо се намалија, паѓајќи трета недела по ред. Просекот за 30-годишен, фиксен заем падна на 6,13 од 6,15 проценти минатата недела, соопштија од „Фреди Мек“.
На пазарот на недвижности има знаци на зголемен интерес кај купувачите во последните недели бидејќи трошоците за задолжување се намалија. Од градежната компанија „ДП Хортон“ информираа дека побарувачката е зголемена во јануари. Продажбата на нови домови се зголеми трет месец по ред во декември, покажаа податоците што ги објави државата.
„Хипотекарните стапки продолжуваат да се намалуваат и, како резултат на тоа, побарувачката за купување домови се топи од повеќемесечното замрзнување што го зафати пазарот на домување“, рече Сем Катер, главен економист на „Фреди Мек“.
Тој додаде дека потенцијалните купувачи на станови остануваат чувствителни на промените во хипотекарните стапки, но и понатаму има голема побарувачка, поттикната од оние што првпат купуваат домови.
Некои сегменети на побарувачката почнаа да се зголемуваат во последниве недели, се вели во извештајот на „Редфин Корп“. И покрај тоа, брокерската компанија предупреди дека пазарот на домување сè уште не е надвор од шумата и може да се соочи со притисок од несигурни економски изгледи или проблеми со достапноста.
Купувачите сè уште во просек плаќаат повеќе отколку пред една година. Со сегашниот просек од 30 години, заемопримачот со хипотека од 600.000 долари би плаќал приближно 3.647 долари месечно, околу 936 долари повеќе отколку пред една година, кога стапките беа околу 3,55 проценти.
