Рекорден број Американци очекуваат пад на берзата во 2023 година и мнозинството гледаат дека инфлацијата се забрзува иако растот на цените забавува, покажува анкетата за економски очекувања.
Годишната анкета на „Галуп“ (Gallup), која се спроведуваше од 2 до 22 јануари, покажа дека изгледите на Американците за пет економски индикатори, економски раст, берза, невработеност, каматни стапки и инфлација, беа главно негативни.
Четири од десет Американци предвидоа дека невработеноста ќе се зголеми, а остатокот е поделен меѓу пад и стабилна стапка, покажува анкетата објавена денеска. Мнозинството рекоа дека трошоците за задолжување и стапката на инфлација ќе се зголемат, иако бројот на анкетирани што сметаат дека растот на цените ќе забрза падна во однос на минатогодишниот рекорд.
Резултатите од истражувањето одразуваат широкораспространета економска несигурност, која истражувачите на „Галуп“ им ја припишуваат на сѐ уште високата инфлација, зголемувањето на каматните стапки и широкораспространетите отпуштања во технолошкиот сектор. Иако американскиот потрошувач досега се покажа како отпорен и стапката на невработеност е на најниско ниво од 1969 година, наодите би можеле да укажат на внимателен пристап во следните месеци, бидејќи Федералните резерви (ФЕД) се фокусираат на намалување на инфлацијата без да предизвикаат скок на невработеноста.
Bloomberg Mercury
Републиканците се многу попесимистични од демократите, имаат мнозински негативни ставови за секоја метрика, освен за невработеноста, за која 48 отсто од гласачите на Републиканската партија мислат дека ќе се зголеми. Републиканците се особено негативни во врска со инфлацијата и каматните стапки, па 78 односно 76 проценти од нив предвидуваат зголемување.
Стапката на потрошувачката инфлација беше 6,5 проценти во декември, со стабилно опаѓање од јунскиот врв од 9,1 отсто. ФЕД посочи дека ќе продолжи да ги зголемува каматните стапки со помали покачувања во текот на следните месеци за да достигне терминална стапка над пет отсто, бидејќи остануваат далеку во однос на целта на ФЕД од два отсто.
Оваа година, исто така, беше првпат повеќе Американци да помислат дека економскиот раст ќе се намали, иако агенцијата што го спроведе истражувањето забележа дека веројатно Американците имале слични ставови и за време на големата рецесија.
.webp){kind=icon}
