Американските работодавци би можеле да се соочат со трошок од речиси 76.000 долари за да вработат нов работник, покажува истражувањето на Банката на федерални резерви (ФЕД) на Њујорк.
Така наречената загарантирана плата – најниската плата која работникот ја прифаќа на новото работно место, се искачи на 75.811 долари во март, стои во најновата анкета за очекувањата на потрошувачите спроведена од ФЕД во Њујорк. Тоа е околу 2.100 долари повеќе од последното истражување на Банката во ноември.
Bloomberg
Контролирањето на платите е клучна цел на ФЕД во обидите за намалување на инфлацијата под сегашната стапка од пет отсто, без при тоа да предизвика рецесија. Централната банка доби добри вести претходно овој месец, кога беше објавено дека бројот на достапни позиции во САД падна под 10 милиони за прв пат од 2021 година.
Сепак, истражувањето на ФЕД во Њујорк ја илустрира тешката задача за зауздување на очекувањата за зголемување на платите и цените.
Мажите особено се во потрага по поголеми плати. Загарантираните плати за мажите се зголемија на 88.900 долари во март, што е за 3.200 долари повеќе од претходното истражување во ноември. Жените, пак, се подготвени да прифатат нова работа за 63.100 долари, што е 1.400 долари повеќе од претходната анкета.
Се зголемува и јазот меѓу оние со високо образование и оние без него. Од почетокот на пандемијата до март 2022 година, загарантираната плата за луѓе со помалку квалификации се зголеми од 48.800 на 62.100 американски долари, па потоа се намали на 59.700 долари во текот на изминатата година.
Во меѓувреме, оние кои имаат барем факултетска диплома сега бараат 97.300 долари годишно, во споредба со 81.800 долари од претходно, а нивната плата продолжува да се зголемува во текот на годината.
.webp){kind=icon}
Во моментов нема коментари за веста. Биди прв да коментира...