Федералните резерви на САД (ФЕД) на денешната седница ќе ја подигнат референтната каматна стапка за 25 базични поени, на ниво од 5 процентни поени во долна граница до 5,25 проценти во горна граница, предвидуваат експертите од аналитичкиот тим на „Блумберг Адрија“. Тоа ниво би било највисоката каматна стапка во последните 16 години.
„Сметаме дека ФЕД и понатаму со подигање на каматната стапка, што е негова првична задача, сака да ја сузбие инфлацијата, која засега не покажува остро забавување - најновите читања и на дефлаторите на ЦПИ (анг. CPI - индекс на потрошувачки цени) и на ПЦЕ (анг. PCE - индекс на лична потрошувачка) сè уште се значително над целта од 2 отсто. Исто така, иако пропадна уште една регионална американска банка, пазарите веќе го вклучија овој настан во своите очекувања, особено затоа што ја презеде една од најголемите светски банки, „ЏП Морган“ (JPMorgan), велат аналитичарите.
Од нашиот аналитички тим се категорични дека иако има знаци на корекција (отворањето нови работни места е на најниско ниво во последните две години, што укажува на намален капацитет за проширување на пазарот на трудот и помали изгледи за инфлациска спирала), пазарот на трудот сè уште е робустен. „Клучот ќе биде да се прочита меѓу редови како ФЕД гледа на понатамошниот развој на инфлацијата (особено на цената на услугите) и на пазарот на трудот, имајќи ги предвид ефектите врз разнишаниот регионален банкарски сектор, се наведува во коментарот на аналитичкиот тим на „Блумберг Адрија“.
Пред состанокот на ФЕД, утрово индексите забележаа пад. Каско што објавивме, статистичките бројки покажаа заладување на американскиот пазар на трудот пред тоа што се очекува да биде последно зголемување на каматните стапки на Федералните резерви (ФЕД) во нивниот тековен циклус на затегнување на монетарната политика.
Инаку, индексот на цените на трошоците за лична потрошувачка, не вклучувајќи ги тука храната и енергијата, како претпочитана мерка за базичната инфлација за ФЕД, во март се зголеми за 0,3 проценти во однос на претходниот месец и 4,6 отсто споредено со ланскиот март, покажа извештајот на Министерството за трговија, објавен на 28 април.
.webp){kind=icon}