.webp){kind=icon}
„Сингапур ерлајнс“ го симна ривалот „Катар ервејс“ од престолот и се најде на првото место на листата најдобри авиокомпании во светот во 2023 година, според резултатите од годишната анкета меѓу патниците.
Блискоисточниот авиопревозник падна на второто место, а јапонските „Ол Нипон Ервејс“ (All Nippon Airways), „Емирати“ (Emirates) и „Јапан Ерлејнс“ (Japan Airlines) ги пополнија првите пет места на листата на „СкајТракс Ворлд Ерлајн Авордс 2023“ (Skytrax World Airline Awards 2023).
Катар, сепак, имаше „кец“ во ракавот. Доминираше во категориите за најдобри понуди во бизнис класата.
Прочитај повеќе
Проблемите со синџирот на снабдување во авиоиндустријата може да траат долго
„Боинг“ предупреди дека ограничувањата на снабдувањето во индустријата може да потраат повеќе од пет години.
23.05.2023
Национален или регионален авиопревозник - што ѝ треба на Македонија?
Национален авиопревозник е скапа опција која Македонија не може да ја реализира
22.03.2023
„Ер Франс“ со „дебели“ бонуси ќе ги мотивира пилотите да летаат
Групацијата бара да ангажира 500 до 600 пилоти за „Ер Франс“ и за „Трансавија“
15.03.2023
Три авиокомпании се пријавија на тендерот за субвенции на нови летови
Понудите беа отворени денеска во Министерството за транспорт и врски.
27.01.2023
„ЕрАзија“ (AirAsia) беше прогласена за најдобра нискобуџетна авиокомпанија во светот, додека „Скут“ (Scoot) е најдобра нискобуџетна авиокомпанија на долги релации.
„Оваа награда е доказ за непобедливиот дух на нашите луѓе, кои работеа неуморно и направија многу жртви за да се осигура дека СИА е подготвена за закрепнување во воздушниот сообраќај“, рече Гох Чун Фонг, главен извршен директор на „Сингапур ерлајнс“. „Тоа ни овозможи да излеземе посилни и поподготвени од пандемијата како водечка меѓународна авиокомпанија“, додаде тој.
Највисоко рангирана северноамериканска авиокомпанија беше „Делта“, која се најде на 20-та позиција – подобрување за четири места во однос над минатата година. Европските авиопревозници поминаа малку подобро, со „Туркиш ерлајнс“ на шестото место, а „Ер Франс“ на седмото место. Наградата за најдобар кабински екипаж ја доби „Гаруда Индонезија“, додека наградата за најчиста авиокомпанија ја доби „АНА“.
Наградите беа доделени врз база на резултатите од онлајн анкета, која опфаќа патници од повеќе од 100 земји. Таа траеше од септември 2022 година до мај 2023 година, а во конечните резултати беа вклучени над 325 авиокомпании.
