.webp){kind=icon}
Иако пазарите на капитал со нетрпение го очекуваа говорот на претседателот на Федералните резерви (Фед), Џером Пауел, во понеделникот, тој ги ограничи своите коментари само на темата на пазарот на трудот, при што отсуствуваа индикации за промени во монетарната политика.
„САД имаат многу силен пазар на трудот и нашата главна цел е да го задржиме тоа долго време, но на одржлив начин“, рече Пауел на тркалезната маса во Јорк, Пенсилванија.
Тој додаде дека сè уште се чувствуваат последиците од пандемијата на коронавирусот, особено кога станува збор за малите компании надвор од големите градови.
Прочитај повеќе
Централните банкари на САД очекуваат намалување на каматните стапки во 2024 година
12 од 19 функционери поддржуваат уште едно зголемување на каматните стапки во 2023 година
29.09.2023
Светот не е подготвен за стапка на Фед од седум отсто, вели директорот на „ЏП Морган“
Светот можеби не е подготвен за најлошото можно сценарио што може да го поттикнат Федералните резерви, вели извршниот директор на „ЏП Морган“.
26.09.2023
Фед не ги промени стапките, испрати сигнал за уште едно зголемување годинава
Џером Пауел, претседател на Фед, на прес-конференцијата по состанокот изјави дека банката сега е „во позиција да продолжи внимателно“.
20.09.2023
„Сакаме да видиме долг период на реален раст на платите и структурно здрави услови на пазарот на трудот“, рече Пауел, кој беше на панелот заедно со претседателот на Фед во Филаделфија, Патрик Харкер.
Тој додаде дека очекува компаниите да направат дополнителни напори за да обезбедат доволен број вработени, а притоа ја спомена програмата за подготовка на затвореници на кои им остануваат помалку од 12 месеци до издржувањето на казната.
Ниту Пауел ниту Харкер не зборуваа за каматните стапки или за економијата.
