ММФ: Централните банки не треба да брзаат по примерот на Фед

Централните банки низ светот не треба да брзаат да ја олабават борбата против инфлацијата, иако Федералните резерви (Фед) сигнализираа пресврт во монетарната политика следната година, изјави во петокот шефицата на Меѓународниот монетарен фонд (ММФ).

„Понекогаш земјите прерано прогласуваат победа над инфлацијата, а потоа таа се вкоренува и борбата против неа станува потешка“, изјави извршната директорка на ММФ, Кристалина Георгиев, за новинарите во Сеул. „Прво скокни, па кажи оп“.

Шефицата на ММФ изрази претпазливост, како и нејзините колеги, претседателката на Европската централна банка (ЕЦБ), Кристин Лагард, и гувернерот на Банката на Англија (БоЕ), Ендрју Бејли, откако Фед ги потресе пазарите во средата сугерирајќи дека официјалните лица во институцијата ќе се фокусираат на намалување на трошоците за задолжување во 2024 година.

Таа изјави дека нејзиниот совет се однесува на случајот со Банката на Кореја, по средбата со гувернерот на таа банка Ри Чанг Јонг.

Георгиева рече дека Фед бил во право што сигнализирал пресврт врз основа на американските податоци, но дека другите централни банки треба да ја разгледаат својата ситуација. „Инфлацијата сега се намалува и забавува, но на различни точки во различни земји, а централните банки треба да ги приспособат своите потези на домашните услови“, рече таа.

„Сепак, борбата против инфлацијата е при крај“, нагласи Георгиева, советувајќи ја Банката на Кореја да не прави повеќе ненадејни потези во својата политика отколку што дозволуваат податоците.

Георгиева неделава го посети Сеул на заедничка конференција со Банката на Кореја за дигитални пари.

Во моментов нема коментари за веста. Биди прв да коментира...

Остави коментар