Расположението на потрошувачите во САД во декември се зголеми најмногу од почетокот на 2021 година, бидејќи Американците станаа пооптимистични за пазарот на трудот и инфлацијата.
Индексот на расположението кој го пресметува организацијата Конференс борд (Conference Board) се искачи на 110,7 во декември од ревидираните 101 во ноември, покажаа податоците објавени во средата. Просечната проценка во анкетата на „Блумберг“ меѓу економистите укажуваше на помал раст (од 104,5 поени).
Индексот на очекувања - кој вклучува прогнози за околу шест месеци - напредува бидејќи потрошувачите очекуваат подобри деловни услови, повисоки приходи и посилен пазар на труд. Едногодишните очекувања за инфлацијата паднаа на најниско ниво од крајот на 2020 година.
Исто така, индексот на тековните услови благо закрепна откако падна на најниска вредност во последните две години.
Американците се пооптимисти за економските перспективи во 2024 година, додека пазарот на трудот останува силен. Иако вкупните цени останаа високи, заштедите и повисоките плати им овозможија на потрошувачите да продолжат да трошат.
„Декемврискиот раст на индексот на доверба на потрошувачите одразува попозитивни оценки за тековните деловни услови и достапноста на работни места, како и помалку песимистички погледи за иднината на бизнисот, пазарот на труд и движењата на личниот доход во следните шест месеци“, рече Дејна Петерсон од Конференс борд.
Состојбата на пазарот на труд е подобрена од ноември. Уделот на потрошувачите кои сметаат дека има доволно работни места се искачи на петмесечен максимум. Јазот меѓу оние кои велат дека работните места се во голем број односно дека тешко се добиваат скокна најмногу од почетокот на 2022 година.
.webp){kind=icon}
Во моментов нема коментари за веста. Биди прв да коментира...