.webp){kind=icon}
Вработувањата во САД не се вжештија во август, иако стапката на невработеност падна. Тоа најверојатно ќе доведе до нови дебати за тоа колку Федералните резерви треба да ги намалат каматните стапки на следниот состанок.
Бројот на работни места со исклучок на сезонските работници се зголеми за 142.000 во август, покажуваат податоците на Бирото за статистика на трудот. Оваа агенција ги ревидираше податоците за претходните два месеца надолу.
Стапката на невработеност падна на 4,2 отсто. Аналитичарите анкетирани од „Блумберг“ очекуваа раст од 165.000 работни места.
Прочитај повеќе
Директорите ги водат компаниите оддалеку иако работниците се враќаат во канцелариите
Растечки е бројот на корпоративни лидери на кои им се дава можност да ги водат бизнисите од стотици или илјадници милји оддалеченост.
01.09.2024
Фед ќе престане да ги намалува стапките на три проценти, вели експерт
Референтната каматна стапка на САД ќе остане помеѓу три и четири проценти, вели Хауард Маркс од „Оуктри капитал менаџмент“.
05.09.2024
„Со оглед на ревидираните податоци, пазарите врз основа на овој извештај можеби нема целосно да ја исклучат можноста каматните стапки да паднат за 50 базични поени на следниот состанок на Фед. Податоците за растот на цените што ќе бидат објавени следната недела би можеле да бидат клучни“, рече Ира Џерси, главен стратег за каматни стапки во САД во „Блумберг интелиџенс“ (Bloomberg Intelligence).
Приносите на обврзниците паднаа бидејќи Фед сепак може да одлучи да ги намали каматните стапки за половина процентен поен за да го поддржи пазарот на трудот. Доларот ослабе по извештајот, а паднаа и фјучерсите на индексот S&P 500.
Други извештаи исто така покажуваат дека состојбата на пазарот на трудот во САД се влошува. Иако бројот на отпуштања е релативно низок, многу компании ги одложуваат плановите за нови вработувања поради високите трошоци за задолжување и неизвесноста околу ноемвриските претседателски избори.
Истражувањето на Фед за бизнисот по региони покажа дека работодавците станале попребирливи, намалувајќи го бројот на работни часови или оставајќи ги отворените позиции слободни подолго време.
Најголем број работни места се отворени во здравствениот сектор, потоа во градежништвото и јавниот сектор. Индексот на дифузија, кој мери колку бил изедначен растот низ секторите, се зголеми.
Уделот на вработените и оние што активно бараат работа во вкупното население остана непроменет и изнесува 62,7 отсто. Ако се следат работниците на возраст од 25 до 54 години, тој удел падна за првпат од март.
