Претседателот Доналд Трамп продолжи и оваа есен да купува мунципални и корпоративни обврзници, вклучувајќи и обврзници на компании кои се под влијание на политиките на неговата администрација.
Новите сознанија, објавени во саботата од Канцеларијата за етика на американската влада, покажуваат дека купувања од најмалку 82 милиони долари вклучуваат обврзници на „Нетфлкс“ (Netflix), „Јунајтед хелт“ (UnitedHealth Group), „Боинг“ (Boeing), „Мета платформс“ (Meta Platforms), „Хоум депо“ (Home Depot), „Бродком“ (Broadcom) и „Интел“ (Intel), во кои американската влада стекнала удели за време на неговата администрација.
Тој, исто така, купувал мунципални обврзници на американски градови и локални училишни окрузи, комунални претпријатија и болници. Објавите се со датуми 17 и 20 октомври, а Канцеларијата ги објави по завршувањето на владината блокада.
Извештаите, кои мора да ги поднесуваат сите федерални избрани и назначени функционери што тргуваат, не ги наведуваат точните износи или цени, бидејќи се бараат само широки опсези на трансакции што вклучуваат акции, обврзници, стоковни термински договори и други хартии од вредност. Трамп не пријавил никакви продажби.
Во август пријави 690 трансакции, вредни најмалку 103,7 милиони долари во купувања на обврзници.
Кога беше објавен августовскиот извештај, висок функционер на Белата куќа изјави дека ниту Трамп ниту кој било член од неговото семејство не донесуваат инвестициски одлуки. Независни финансиски управители ги извршиле купувањата на обврзници користејќи програми што ги реплицираат признатите индекси, додаде функционерот, нагласувајќи дека Канцеларијата за етика ги одобрила поднесените извештаи.
За разлика од своите претходници, Трамп не ја продаде свој имот ниту пак го префрли во слепа доверба кај независен надзорник. Неговата огромна бизнис-империја ја водат неговите двајца синови, а работи во области кои се преклопуваат со претседателската политика.
Во однос на „Интел“, Трамп во август постигна договор со кој американската влада добива речиси 10-процентен удел во компанијата — невообичаена пазарна интервенција за која администрацијата тврдеше дека е неопходна за заштита на домашното производство на чипови.
„Интел“ наведе дека владата ќе биде пасивен сопственик, без место во управниот одбор или други управувачки или информациски права. Инвестицијата од 8,9 милијарди долари е делумно финансирана од американскиот Закон за чипови и наука, донесен под поранешниот претседател Џо Бајден.
.webp){kind=icon}
