Цените на струјата отидоа во минус поради топлотниот бран

Првиот посилен топлотен бран оваа сезона донесе нови температурни рекорди во северозападна Европа, предизвика проблеми со снабдувањето со вода во Велика Британија и беше причина за неколку смртни случаи во Франција.

Таканаречената топлинска купола, област со висок притисок која се задржува натпросечно долго над одреден регион, ги зголеми температурите за 9 до 15 степени Целзиусови над вообичаените за северозападна Европа. Врвот на жештината се предвидуваше за вторник, по што би требало постепено да се намалува кон крајот на неделата.

„Многу жежок почеток на неделата,“ изјави Грег Дјуурст, метеоролог од британската метеоролошка служба. „Рекордите ќе паѓаат и преку ден и преку ноќ, но до недела би требало да попушти,“ додаде тој.

Атмосферскиот систем ги раздвои облаците над големи делови од Велика Британија, што резултираше со необично сончево небо, дополнително загревање, но и зголемена продукција на струја во соларните електрани.

На врвот, околу пладне во недела, соларните електрани произведуваа речиси половина од вкупната британска побарувачка за електрична енергија - највисока некогаш забележана количина, покажуваат податоците на НЕСО. Силниот раст на производството од обновливи извори се одрази и на цените на струјата низ Европа. Во Франција, на берзата „Епекс спот“, во вторник околу пладне тие дури и привремено беа негативни.

Bloomberg

 

Топлотниот бран ја зголеми загриженоста околу капацитетите на хидроелектраните и режимот на работа на нуклеарните електрани за ова лето, бидејќи тие се ладат со вода од реките кои стануваат сè потопли. Цените на струјата за еден месец однапред пораснаа до 12 проценти, на највисоко ниво уште од крајот на март, покажуваат податоците на EEX.

Во Италија, каде што климатизацијата е нешто почеста, топлотниот бран доведе до раст на потрошувачката, а побарувачката за вторник се проценува на 46 гигавати - најмногу уште од почетокот на април.

Велика Британија и Франција во понеделник ги забележаа своите температурни рекорди за мај, а температурите на воздухот во вторникот во Лондон и Париз би можеле да достигнат 33, односно 35 степени Целзиусови, најавија локалните метеоролошки служби.

Зголемената побарувачка за вода за време на викендот предизвика дефекти во водоснабдувањето во делови од Велика Британија, каде околу илјада домаќинства имаа проблеми. „Тимс вотер“ истражува зошто дошло до нарушувањето, но топлотните бранови можат да ги оштетат цевките кога расте побарувачката, а високите температури предизвикуваат поместување на земјиштето во близина на водоводите.“

Во Франција, топлотниот бран се поврзува со најмалку два смртни случаи, изјави портпаролката на Владата, Мод Брежон, во вторник на телевизијата ТФ1. Најмалку пет лица се удавиле, а останатите починале поради жештините за време на спортски настани, рече таа. На југот на Франција температурите би можеле да достигнат и 38°C.

Предупредувања поради високите температури беа објавени во западна Шпанија, каде во вторник температурите на воздухот исто така би можеле да достигнат 38°C. Слични предупредувања важат за делови од Велика Британија, вклучувајќи го и Лондон, сè до четврток