Додека продажбата на електрични автомобили во Кина, по години силен раст, почнува да се смирува, продажбата на електрични камиони се забрзува, а дополнителен поттик на оваа нова индустрија би можела да даде и војната со Иран.
На неодамнешниот саем на автомобили во Пекинг, над изложбениот простор со патнички возила кои се нудеа по намалени цени, особено се истакнуваше огромен сребрен електричен камион.
Електричните камиони, како батерискиот модел на компанијата „ГАЦ Лингченг“ (GAC Lingcheng New Energy Commercial Vehicle), сега сочинуваат околу 20 проценти од вкупниот пазарен сегмент, откако нивната продажба во 2025 година тројно се зголеми. Месечната продажба во март се удвои и надмина 24.000 возила, покажуваат пресметките на „Блумберг“ врз основа на податоците од „Чајна аутомотив технолоџи енд рисрч центар“ (China Automotive Technology & Research Center), иако февруари веројатно бил обележан со послаб интерес поради празниците за Лунарната Нова година.
Прочитај повеќе
И Македонија ќе има субвенции за електрични возила: До 2030 и зелен транспорт
Преку различни законски измени треба да се овозможи финансиска поддршка за да се зголеми уделот на електрични возила од една страна, а од друга - да се зголеми цената на горивата со високи емисии за тие да не бидат конкурентни, стои во планот.
05.05.2026
Новиот директор на „Римац технолоџи“: Време е технологијата да се претвори во стабилно сериско производство
„Римац технолоџи“ влегува во фаза во која репутацијата сè помалку се гради на демонстрација на она што е можно, а сè повеќе на способноста истото тоа да се повторува постојано, без грешки, доцнења и „изненадувања“ во трошоците.
13.03.2026
Ѕирнавме во фабрика каде што ниту еден дел од автомобил не останува неискористен
Додека електричните автомобили доминираат во јавниот дискурс како речиси единствено решение за климатските предизвици, малкумина забележуваат дека познат производител на автомобили со години развива поинаков модел на одржливост.
03.02.2026
Продажбата на автомобили во Европа расте трета година по ред, предводена од електричните возила
Европскиот автомобилски пазар бележи раст и во 2025 година, поттикнат од подостапните електрични и хибридни модели.
27.01.2026
Bloomberg
„Управителите на возни паркови веќе не преминуваат на електрични камиони само поради регулаторен притисок, туку затоа што пресметката конечно им се исплатува“, изјави во интервју Сју Шуо, финансиски директор на „ГАЦ Лингченг“.
Компанијата со седиште во Гуангжу продава комерцијални возила на домашниот пазар, каде што е конкуренција со големи играчи.
Батериските тешки камиони и понатаму се поскапи од класичните дизел модели, но Пекинг ги продолжи субвенциите за замена на возила до крајот на годината. Сју проценува дека дополнителните 100.000 до 150.000 јуани, односно 14.624 долари, колку што треба да се издвојат за електричен камион, би можеле да се вратат веќе за една година.
Економијата на електричните камиони се подобри во последните месеци. Горивата што ги движат класичните товарни камиони во Кина значително поскапеа од избувнувањето на војната со Иран. Течниот природен гас до крајот на април поскапе за 53 проценти, а дизел горивото за 35 проценти, покажуваат податоците на кинескиот национален статистички завод.
Bloomberg
„Во просек користењето на електричен камион е поевтино од користењето на дизел, но пресметката зависи од цените на електричната енергија, кои можат да се разликуваат во зависност од времето во денот и локацијата“, рече Мајни Јанг, аналитичарка за комерцијален транспорт во „Блумберг НЕФ“.
„Повисоките цени на дизел горивото би можеле дополнително да ја поттикнат продажбата на електрични камиони, но на возните паркови можеби ќе им треба време да реагираат“, додаде Јанг.
Продажбата на камиони со ниски емисии и пред војната беше на пат кон понатамошен раст во наредните години. Подобрувањата во батериската технологија и технологијата за полнење ги зголемуваат изгледите за електрификација на транспортот на долги релации и тежок товар, а употребата на камиони и други комерцијални возила со ниски емисии расте и во Европа и во Кина.
Проценките на БНЕФ покажуваат дека тешките електрични комерцијални возила во Кина до 2035 година би можеле да достигнат удел од 63 проценти во вкупната продажба, и тоа во сценарио кое не го зема предвид дополнителниот притисок од климатските цели.
Сју смета дека „замавот на електрификацијата е неповратен“, но истовремено очекува сè поостра конкуренција во Кина.
Електричните возила имаат сè поголем удел во патувањата на долги релации за време на кинеските празници, а побарувачката за полнење покрај автопатите силно расте, извести „Секјуритис дејли“.
Но долгите рути и понатаму претставуваат пречка за тешките електрични камиони, кои моментално главно се користат за пократки превози меѓу пристаништа и фабрики, рудници и железници или соседни градови.
Bloomberg
Кинеската влада почна да го решава тој јаз со петгодишен план, претставен во март. До 2030 година планира да изгради 10.000 километри товарни коридори без емисии, додека кинеските компании забрзано ја шират мрежата на полначи. До минатиот септември беа најавени девет илјади.
Возачот Шен, кој побара да биде идентификуван само по презиме поради тоа што нема дозвола за разговор со медиумите, неодамна чекаше на една таква станица што компанијата „ТЕЛД њу енерџи“ ја изгради во провинцијата Хебеи. Тој превезуваше градежен материјал меѓу Тјанџин и Баодинг на рута долга околу 170 километри, која инаку би го чинела 200 јуани за гориво, додека сега полнењето го чинеше 120 јуани.
„Полнењето навистина трае некое време, но го планирам заедно со паузите, па тоа не е проблем“, рече тој. „Заштедите во трошоците навистина се чувствуваат.“
.webp){kind=icon}
