Американските сопственици на Ливерпул го ставаат на продажба еден од најуспешните англиски фудбалски клубови, тврдат упатени извори.
„Фенвеј спортс груп“ (Fenway Sports Group Holdings LLC) соработува со компаниите „Голдман Сакс“ (Goldman Sachs Group Inc.) и „Морган Стенли“ (Morgan Stanley), бидејќи смета дека има интерес од купувачи за тимот од англиската Премиер лига, посочуваат изворите кои побарале да останат анонимни бидејќи станува збор за доверливи информации.
„FSG претходно соопшти дека под соодветни услови ќе разгледаме нови акционери доколку тоа е во најдобар интерес на Ливерпул како клуб“, се вели во соопштението на групацијата.
Претставници на Goldman Sachs и Morgan Stanley одбиле да коментираат, а и портпаролот на Ливерпул не одговорил веднаш на барањето за коментар. Веста за потенцијалната продажба на Ливерпул претходно во понеделникот ја објави „Атлетик“ (The Athletic) .
Bloomberg
Ливерпул е еден од најголемите клубови во светскиот фудбал и, заедно со ривалот од северозапад, Манчестер Јунајтед, е еден од најуспешните тимови во Англија. Клубот има освоено 19 шампионски титули и бројни трофеи во европските натпреварувања. Неодамна доживеа враќање на славата под водство на германскиот тренер Јирген Клоп.
Инвеститори од Америка и Блискиот Исток најверојатно ќе бидат меѓу најзаинтересираните за купување на Ливерпул со оглед на нивната посветеност на најбогатата фудбалска лига во светот. Во последните две години беа преземени два големи премиерлигашки клуба, Њукасл Јунајтед беше купен од јавниот инвестициски фонд на Саудиска Арабија, а Челзи беше купен од американскиот инвеститор Тод Боели и приватната инвестициска компанија „Клирлејк капитал“ (Clearlake Capital).
Прочитајте повеќе: Американец со нов модел сака да ја сруши европската фудбалска елита
Челзи беше продаден во мај за 4,25 милијарди фунти (4,9 милијарди долари), а некои аналитичари во понеделникот изјавија дека Ливерпул може да чини повеќе.
„Продажбата на Ливерпул би можела да достигне повеќе од 5 милијарди долари, а клубот ќе заработи 160 милиони долари само од спонзорските договори за сезоната 2022-2023“, изјави Конрад Вјачек, шеф за спортски анализи во „Глобал дата“ (GlobalData).
Fenway Sports е најпознат во САД како сопственик на бејзбол тимот Бостон Ред Сокс. Оваа фирма го презеде Ливерпул од американските бизнисмени Џорџ Гилет и Том Хикс за околу 300 милиони фунти во 2010 година. Минатата година, инвестициската компанија „Редбрд капитал“ (RedBird Capital Partners LLC) купи удел во Fenway Sports.
.webp){kind=icon}
