.webp){kind=icon}
Акциите зајакнаа откако Џереми Пауел, претседателот на американските Федерални резерви (ФЕД), навести веројатно намалување на темпото на заострување на монетарната политика веќе во декември, истовремено укажувајќи дека ќе бидат потребни дополнителни зголемувања за да се заузди инфлацијата.
Индексот S&P 500 порасна за 1,8 процент, индексот Nasdaq 100 доби дури 3,2 отсто на својата вредност, додека индексот Dow Jones Industrial Average се зголеми за еден отсто. Светскиот индекс MSCI се зголеми за 1,6 процент.
Со тоа, индексот S&P 500 ги избриша загубите и тргна кон нов пресврт, своја најдолга месечна низа на добивки од август 2021 година.
„Времето за умерено темпо на зголемување на каматните стапки може да дојде уште на состанокот во декември“, рече Пауел вчера, додавајќи дека каматните стапки веројатно ќе достигнат нешто повисоко ниво отколку што проценуваа банкарите во септември.
Надлежните сигнализираа дека планираат да ја зголемат каматната стапка за 50 базични бода на последниот годинашен состанок, кој ќе се одржи на 13 и 14 декември, по четири последователни зголемувања од 75 базични бода.
Пред говорот на Пауел, гувернерката на ФЕД Сент Луис, Лиза Кук, рече дека би било мудро ако централната банка направи помало зголемување, бидејќи таа одредува колку високо ќе мора да се оди за да се скроти растот на цените.
Трговците ги проучуваа неколкуте економски извештаи за клучните показатели за активноста во САД, кои ја отсликуваат мешаната слика на третото тримесечје. Бројот на отворени работни места е намален во октомври, што е знак за надеж на ФЕД додека настојува да ја заузди побарувачката.
Податоците од прелиминарниот извештај за вработување оценуваат дека работодавците во ноември отвориле 200.000 слободни работни места на платниот список. Економистите очекуваат дека стапката на невработеност ќе се одржи на 3,7 отсто, а дека просечната саатнина ќе биде умерена.
