.webp){kind=icon}
Quincy Krosby не можеше да дочека да заврши тргувањето вчера.
„Бев залепена за екранот“, вели главниот стратег за пазари на компанијата LPL Financial Krosby.
Беше еден од оние денови со толку големи загуби што гледањето на акциите не беше доволно. Нејзните очи ги следеа и обрвзниците, промените кај кредитините обврски и другите движења, притоа се обидувала да сфати колку е всушност лоша состојбата и колку може да стане полоша.
Тоа што го видела било грдо. Дури и според стандардите на оваа нестабилна година, всушност, дивото возење кое вчера се случуваше на финансиските пазари посебно се истакнува. Двегодишните приноси на американските државни обврзници пораснаа за 29 базни поени откако цената на обврзниците падна. Приносот скокна за 54 базни поени од четвртокот навечер, што е најголемо дводневно зголемување од 2008 година и е знак дека трговците брзо се прилагодуваат таму каде што мислат дека Федералните резерви ќе земаат камати.
Сите, освен пет акции на S&P 500 паднаа, а "benchmark- от" забележа загуба од 10 отсто од највисоката вредност која ја имаше во јануари, преминувајќи на мечкин пазар. Денеска наутро во Азија, акциите продолжија да паѓаат додека инвеститорите и натаму очекуваат можност ФЕД брзо да си заостри мерките, притоа азиско – пацифичкиот индекс на акциите MSCI падна за повеќе од 1,5 отсто.
Криптовалутите толку нагло паднаа што популарната платформа за позајмување ги замрзна исплатите за да спречи модерен вид на банкрот. Во стари валути, индексот на американскиот долар порасна на највисоко ниво во речиси две децении затоа што инвеститорите бараа сигурност.
За некои таквиот понеделник беше доволен да се појават страшните сеќавања на светската финансиска криза од пред повеќе од една деценија. Christian Hoffmann, портофолио менаџер во фирмата Thornburg Investment Management, вели дека ликвидноста на пазарите толку се влошила што веќе мисли на мрачните денови од 2008 година.
„Ликвидноста на пазарoт е полоша отколку кога доведе до пропаѓањето на Lehman-a", вели Hoffmann, кој работел во таа компанија во моментот на пропаѓањето, а банкротот беше почеток на најголемата финансиска криза по Големата депресија. Тоа е проблем кој може во голема мерка да создаде загуби. „Тоа создава уште поголем ризик, затоа што ако пазарот нема ликвидност може многу брзо да падне".
Од изненадувачки жешкиот извештај за инфлацијата во петокот, инвеститорите се загрижени дека ФЕД ќе мора толку агресивно да ги заостри монетарните политики што ќе го турне стопанството во рецесија.
Економистите од JPMorgan Chase & Co., Goldman Sachs Group i Nomura Holdings вчера им предложија на своите колеги од Barclays and Jefferies да ја повикаат централната банка да објави зголемување за 75 базни поени од утре, што би било најголемо зголемување од 1994 година.
