Претпазливо берзанско тргување во пресрет на новите економски податоци

Акциите на утринското тргување во Азија главно се во пад, бидејќи трговците очекуваат голем број економски податоци што може да помогнат да се прогнозираат следните чекори на монетарните власти во однос на политиката за каматните стапки.

 

 

Индексот S&P 500 утрово падна за 0,3 проценти, исто колку и технолошкиот индекс Nasdaq 100. Поголемите азиски берзански индекси се движат во негативната зона со загуба до 0,6 проценти, а единствена светла точка е јапонскиот индекс, кој е со раст од 0,2 отсто.

На пазарите на свопови продолжуваат обложувањата за достигнување на врвот на каматните стапки на ФЕД во текот на следните недели, пред серијата намалувања што се очекуваат оваа година. Се предвидува дека податоците за американскиот БДП ќе откријат забавување на растот, додека таканаречениот јасен дефлатор, односно базичната инфлација, претпочитаниот мерач на инфлација на централната банка, се очекува да покаже дека растот на цените заладува. Сепак, фаворизираниот показател на ФЕД за платите се предвидува да покаже забрзан раст на платите на работниците, прогнозира „Блумберг економикс“ (Bloomberg Economics).

Вредноста на еврото во однос на американскиот долар утрово е сосема малку променета и овие две валути се тргуваат по курс од 1,0981 долар за евро. Златото, пак, падна за 0,1 отсто и сега унца чини 1.980,53 долари.

На криптопазарот расположението на инвеститорите е позитивно, па најголемите токени ја зголемија својата вредност за 0,8 проценти. Со тоа вредноста на биткоинот сега е 27.727,73 долари, а етерот се тргува по цена од 1.864,22 долари.