Вкупниот промет на Македонската берза во јануари 2024 година изнесувал 453,3 милиони денари (7,3 милиони евра), што е зголемување од 38,9 проценти во однос на остварениот промет во декември 2023 година којшто изнесувал 326, 2 милиони денари(5,3 милиони евра).
Во јануари има пораст од 33,4 проценти во тргувањето со акции во однос на декември, а во истиот период има зголемување од 23,7 проценти во тргувањето со обврзници. Кај пазарната капитализација има зголемување од 5,1 проценти.
На листата најтргувани акции предводат „Комерцијална банка“ со остварен промет во јануари од 2,1 милиони евра, „НЛБ Банка“ со промет од 1,5 милиони евра и „Алкалоид“ со промет од 881.000 евра.
Најголем пораст во периодот декември-јануари има акцијата на „Раде Кончар“ чија просечна цена се зголеми за 42,8 проценти, а најголем пад од 5,6 проценти има акцијата на „Тетекс“.
.webp){kind=icon}
Во моментов нема коментари за веста. Биди прв да коментира...