Значителен раст на прометот на Македонската берза

Вкупниот промет на Македонската берза во февруари годинава изнесувал 856,3 милиони денари (13,9 милиони евра), што е зголемување за 88,8 проценти во однос на јануари, кога вкупниот промет изнесувал 453,3 милиони денари (7,3 милиони евра), покажуваат податоците од новиот февруарски билтен на берзата. 

Во февруари има зголемување на бројот на трансакции во класичното тргување за 42,2 проценти во однос на јануари, а за 137,5 проценти е зголемен и бројот на блок трансакции.

Македонскиот берзански индекс МБИ10 на 27 февруари достигна максимална вредност од 6.828,42, што е зголемување за 11,35 проценти во однос на крајот на минатата година.  

Минатиот месец најтргувани биле акциите на „Комерцијална банка“, „Алкалоид“, „НЛБ банка“, „Стопанска банка Битола“ и на „Макпетрол“.  

Најголем пораст на вредноста од 12,15 проценти во февруари имале акциите на „УНИ банка“, „Комерцијална банка“ (7,09 проценти) и на „НЛБ банка“ (6,77 проценти). Најголемо опаѓање имале акциите на „Стопанска банка Скопје“ – приоритетни (8,75 проценти), „Витаминка“ (6,54 проценти) и на „Окта“ (1,80 проценти).  

Во моментов нема коментари за веста. Биди прв да коментира...

Остави коментар