text size
„Енвидија“ (Nvidia Corp.) се соочува со раст на загриженоста дека нејзиното влијание на пазарот за полупроводници што се користат во вештачката интелигенција (ВИ) се намалува. И тој скептицизам сега се ефектуира на берзата.
Акциите на производителот на чипови вчера паднаа за 2,6 проценти по објавениот извештај, што сугерира дека процесорите за вештачка интелигенција на „Алфабет“ (Alphabet Inc.) добиваат на тежина. Од почетокот на овој месец, пак, акциите паднаа за 14 отсто, со што избришаа повеќе од 700 милијарди долари пазарна вредност на компанијата бидејќи инвеститорите сè повеќе се плашат од балон кај ВИ, како и од циркуларните инвестиции на „Енвидија“ во стартапи како „Опен еј-ај“ (OpenAI), кои се едни од клиентите.
Се чини дека акциите ќе го продолжат својот пад и денеска бидејќи веќе се намалија во претпазарното тргување. Падот го остави производителот на чипови со профит 25 пати поголем од проектираното во следните 12 месеци, што е намалување од почетокот на овој месец, кога беше 34 пати повисок.
Прочитај повеќе
Акциите на „Енвидија“ паѓаат по најавите дека „Гугл“ подготвува нов предизвик со ВИ-чиповите
Плановите на „Мета“ да користи тензорски чипови од „Гугл“ би можеле значително да ја разнишаат водечката позиција на „Енвидија“ во ВИ-пазарот, каде што досега имаше речиси монопол.
25.11.2025
Позитивната прогноза на „Енвидија“ ги смири стравувањата од ВИ-балон
Пазарите реагираа позитивно по објавата на „Енвидија“ за нов силен квартал, што ги разби сомнежите за ВИ-балон и ја потврди рекордната побарувачка за акцелератори.
20.11.2025
Резултатите на „Енвидија“ се судираат со пазар што одеднаш стравува од трошоците за ВИ
И покрај очекуваниот силен квартал, „Енвидија“ се соочува со пазар што станува сè повнимателен кон трошоците за ВИ, а инвеститорите бараат јасни сигнали за идниот раст.
19.11.2025
„Енвидија“ - од неславни почетоци и фијаско до највешт играч во вештачката интелигенција
„Енвидија“ денес привлекува внимание не само поради својата водечка позиција во секторот за графички процесори туку и поради својот многу висок коефициент на цена-заработка, кој варира околу 56-57×.
12.11.2025
Неочекуван потег на „Софтбанк“ - ги продаде сите свои акции во „Енвидија“ за 5,8 милијарди долари
По историскиот раст на акциите, „Софтбанк“ го пренасочува капиталот од „Енвидија“ кон создавање глобална ВИ-инфраструктура вредна милијарди долари.
11.11.2025
„Процената на ‘Енвидија’ всушност се темелеше на идејата дека ќе го задржи својот пазарен удел“, рече Адам Сархан, извршен директор на „50 Парк инвестментс“ (50 Park Investments). „Доколку почне да губи дел од пазарниот удел, тогаш инвеститорите ќе преиспитуваат како би можел да изгледа растот и каква процена треба да има.“
Сепак, Волстрит не изгледа особено загрижено за траекторијата на „Енвидија“. Процените за профитот за следната фискална година се зголемени за 12 проценти споредено со пред една недела, а од 80-те аналитичари што ја покриваат компанијата, 74 имаат оценки за купување, а само еден ја оценува со продажба, според податоците собрани од „Блумберг“.
.webp){kind=icon}
