САД и Израел го нападнаа Иран – што ги очекува пазарите в понеделник?

Глобалните финансиски пазари со невидена напнатост го очекуваат отворањето в понеделник, откако Соединетите Американски Држави и Израел во саботата наутро започнаа координирани воени напади врз Иран. Оваа драматична ескалација на судирот на Блискиот Исток, регион клучен за светското снабдување со енергенси, ги турна инвеститорите во состојба на целосна неизвесност. Додека пазарите во петокот беа затворени со знаци на нервоза, саботните настани навестуваат исклучително висока волатилност, а клучното прашање е како ќе се позиционираат средствата во новонастанатиот хаос.