.webp){kind=icon}
По неколку лоши финансиски извештаи, берзата за криптовалути „Коинбејс“ (Coinbase) конечно постигна позитивни резултати. Според финансискиот извештај за првиот квартал годинава остварена e добивка од 773 милиони, што е за дури 23 отсто повеќе од претходните три месеци. Овој резултат ја надмина проценката од 655 милиони долари заработка.
За време на тргувањето на американската берза во петокот, акциите на „Коинбејс“ реагираа многу позитивно. Забележан е скок од 18,33 отсто, што претставува раст од 9,02 долари по акција. Тековната цена на акцијата на „Коинбејс“ беше 58,24 американски долари.
Bloomberg Chartmaker
Интересен е податокот дека на првиот ден од оваа година цената на акцијата на „Коинбејс“ изнесуваше 33,60 американски долари, што е зголемување за 73,33 отсто на сегашната цена од 58,24 американски долари. Но, од првичното пуштање на акцијата на берзата по цена од 342 американски долари, забележан е голем пад. Од првиот ден на тргување до денес, „Коинбејс“ е намален за 82,97 проценти. Во одредени моменти минусот беше над 90 проценти.
„Коинбејс“ сè уште е најголемата американска берза на криптовалути по обем на тргување, а во 2022 година забележа бројка од 100 милиони корисници.
„Коинбејс“ во последно време беше многу активен застапник за подобра регулаторна политика и транспарентност од страна на американската влада. По колапсот на многу криптокорпорации и силни банки, тие зазедоа став дека правната регулатива е клучен услов за светот на криптоинвестициите да се постави на стабилна основа.
