.webp){kind=icon}
Помалите криптовалути паднаа во нагла распродажба на тој пазар, бидејќи акцијата на американската Комисија за хартии од вредност (SEC) на клучните криптоберзи ги потресе инвеститорите.
АДА (ADA) платформата на Кардано (Cardano) падна за дури 25 проценти во саботата пред да намали дел од падот, додека токените вклучувајќи го СОЛ (SOL) на Солана (Solana), Poligon's МАТИК (MATIC) на Полигон (Polygon) и АВАКС (AVAX) на Аваланч (Avalanche) забележаа двоцифрен пад.
Биткоинот, најголемата криптовалута, падна за околу три отсто. Второ рангираниот етер падна за 5,6 отсто и го достигна најниското ниво од крајот на март.
Прочитај повеќе
Тужбата за „Бајненс“ во САД пука директно во срцето на болниот криптосектор
Тужбата против криптоберзата „Бајненс“ и нејзиниот шеф Чангпенг Жао внесува нова несигурност во секторот.
06.06.2023
Извршниот директор на „Коинбејс“: Кина ќе ги надмине САД во криптосферата
Брајан Армстронг верува дека Кина ќе има корист од рестриктивната политика на САД кон криптосредствата.
07.06.2023
SEC неделава го потресе криптосекторот со поднесување обвиненија против „Бајненс“ (Binance Holdings Ltd.), која ја обезбедува најголемата платформа за тргување во секторот и „Коинбејс“ (Coinbase Global Inc.), операторот на најголемата американска криптоберза.
Регулаторот ги обвини „Бајненс“и неговиот основач Чангпенг Жао за лошо постапување со средствата на клиентите, доведување до заблуда на инвеститорите и регулаторите и кршење на правилата за хартии од вредност. „Бајненс“ го нарече потегот на SEC „разочарувачки“ и посочи дека има намера „енергично да ја брани својата платформа“.
„Коинбејс“ ги оспори тврдењата на SEC дека воделе нелегална размена и порачаа дека се подготвени за правна битка во Врховниот суд.
Над десет токени се означени како нерегистрирани хартии од вредност во тужбите, вклучувајќи ги БНБ (BNB) на „Бајненс“, Кардано, Солана и Полигон.
Додека американските регулатори го гледаат биткоинот како стока, претседателот на SEC, Гери Генслер, долго време вели дека повеќето други токени се предмет на законите за заштита на инвеститорите и дека платформите за тргување треба да се регистрираат кај регулаторот.
Но, етикетирањето на специфични токени е подрастичен пристап и е дел од сузбивањето на дигиталните средства оваа година, по падот во 2022 и низата потреси, вклучувајќи го и банкротот на FTX.
Етикетирањето како нерегистрирана хартија од вредност може да го отежне тргувањето со токените доколку берзите ги наведат на листата, поради страв да не го вознемират регулаторот. Од „Робинхуд“ (Robinhood Markets Inc.) во петокот посочија дека од 27 јуни ќе ги исфрлат Солана, Кардано и Полигон.
Токенот БНБ, кој може да се гледа како показател на чувствата кон „Бајненс“, изгуби околу пет проценти и го достигна најниското ниво од декември минатата година.
